თუმცა მხოლოდ მოტივაცია, ენთუზიაზმი და ენერგია საკმარისი არ არის.  რეალობაში მეწარმეები მრავალ დაბრკოლებას აწყდებიან, რაც ხშირად თავიდანვე აფერხებს ბიზნესის ზრდას და დასაწყისში არსებულ მოტივაციასაც ასუსტებს.

თუ შენც იმ მეწარმეთა რიგში ხარ, ვინც პირველ ნაბიჯებს დგამს ან გეგმავს საკუთარი საქმიანობის წამოწყებას, ეს სტატია სწორედ იმ სამი ყველაზე გავრცელებული შეცდომის შესახებ მოგიყვება, რომელსაც ახალი მეწარმეები ხშირად უშვებენ.

ქვემოთ მოცემული რჩევები დაგეხმარება სწორად დაგეგმო ნაბიჯები და თავიდანვე სტაბილური საფუძველი შექმნა საკუთარი ბიზნესის წამოსაწყებად.

1. იდეაზე ფოკუსირება მომხმარებლის საჭიროებების ნაცვლად

მეწარმეები ხშირად იმდენად არიან გატაცებულნი საკუთარი იდეით, რომ ავიწყდებათ მთავარი – ვისთვის ქმნიან პროდუქტს ან მომსახურებას და რატომ უნდა მოუნდეს მომხმარებელს მისი შეძენა, რა პრობლემას მოუგვარებს მას.

შეიძლება შენი იდეა შენთვის გამორჩეულად მიმზიდველი იყოს, მაგრამ თუ ის არ პასუხობს კონკრეტული მომხმარებლის საჭიროებას, მისი ,,პრობლემის გადაჭრის“ გზას, ბაზარზე ადგილს რთულად ან საერთოდ ვერ დაიმკვიდრებს.

რჩევა – დაიწყე მომხმარებლის პრობლემის ან სურვილის შესწავლით.

გაიგე, ვინ არის შენი მომხმარებელი, რას ეძებს და როგორ შეუძლია შენს შეთავაზებას მათი მოთხოვნის დაკმაყოფილება.

ხშირად შენი წარმატება დამოკიდებულია ბაზრის სწორად შესწავლაზე და ადაპტაციაზე.

2. საქმიანობის დაწყება ბიზნეს გეგმის გარეშე

არაერთ ახალ მეწარმეს ჰგონია, რომ ბიზნეს გეგმა ზედმეტი ბიუროკრატიაა და „პრაქტიკაში მაინც ყველაფერი სხვაგვარად ხდება“.

სინამდვილეში კი გეგმის გარეშე მოქმედებას ხშირად ქაოსსა და არაეფექტურ გადაწყვეტილებებამდე მიჰყავს ბიზნესი.

რჩევა – მარტივი, პრაგმატული გეგმაც კი დიდი დახმარებაა.

განსაზღვრე შენი მიზნები, შემოსავლის წყაროები, სამიზნე სეგმენტი, მარკეტინგული არხები და პირველი 6–12 თვის ნაბიჯები. ასე უკეთ გაიაზრებ საკუთარ ძალებსა და შესაძლებლობებს.

არ დაივიწყო გეგმაში მოქნილობის დატოვებაც, რადგან გარემოებების ცვლილებაზე სწრაფი რეაგირება სასიცოცხლოდ მნიშვნელოვანი უნარია.

3. ყველაფრის დამოუკიდებლად გაკეთების მცდელობა

ბიზნესის დაწყებისას თითქოს ბუნებრივია, რომ მეწარმე ცდილობს ყველაფერს თვითონ გაართვას თავი – პროდუქტიც თავად შექმნას, გაყიდვებიც თვითონ მართოს და სოციალურ ქსელებსაც თავად გაუძღვეს. მაგრამ ხშირად ეს მიდგომა უფრო აზიანებს საქმეს, ვიდრე ამარტივებს.

რჩევა – გააცნობიერე, რაში ხარ საუკეთესო და დანარჩენ საკითხებში ითანამშრომლე სხვა ადამიანებთან.

საკუთარი დრო და ენერგია სწორი მიმართულებით მიმართე.

გახსოვდეს, ძლიერი გუნდი წარმატების ერთ-ერთი მთავარი საყრდენია.

შეცდომების დაშვება ბიზნესის ნაწილია და ეს ყველაფერი ახალი გამოცდილების, ზრდის, განვითარების შესაძლებლობაცაა.

თუმცა გარკვეული შეცდომების თავიდან აცილება სრულებით შესაძლებელია – განსაკუთრებით მაშინ, როცა წინასწარ იცი, რას უნდა მიაქციო მეტი ყურადღება.

ამისთვის საუკეთესო საშუალება ბიზნეს გეგმის შემუშავება, სხვა მეწარმეებისა და ამ საქმეში კომპეტენტური ადამიანების გამოცდილების გაზიარებაა.

ბიზნეს გეგმის მონახაზის შექმნა დამოუკიდებლადაც შეგიძლია,
ხოლო თუ გინდა:

• დეტალურად დასახო შენი იდეა ბიზნეს გეგმის სახით – იდეიდან ფინანსურ ნაწილამდე;
• განსაზღვრო ვინ არის შენი მომხმარებელი და რა „მტკივნეულ წერტილს“ მოუგვარებ;
• გაარკვიო, რა გამოარჩევს შენს პროდუქტს კონკურენტებისგან;
• ნახო კონკრეტულად რა ნაბიჯები, რესურსები და ხარჯები დაგჭირდება და
• მიიღო მკაფიო სურათი – საით მიდიხარ და რას უნდა ელოდო შედეგად

გაეცანი ამ ინფორმაციას – https://bpngeorgia.ge/courses/workshop-businessplan/

აქ შენზე მორგებულ, პრაქტიკულ და კომპეტენტურ  მხარდაჭერას მიიღებ, რომ შენი იდეა ძლიერ  სამოქმედო გეგმად აქციო.

The post 3 ყველაზე გავრცელებული შეცდომა, რომელსაც ახალბედა მეწარმეები უშვებენ appeared first on BPN Georgia.

The post 3 ყველაზე გავრცელებული შეცდომა, რომელსაც ახალბედა მეწარმეები უშვებენ appeared first on BPN Georgia.

დღევანდელ ციფრულ ეპოქაში, სადაც სოციალურ ქსელებში უამრავი ახალი ბრენდი შემოდის კონკურენცია უფრო და უფრო იზრდება. უამრავი ბრენდით, შეთავაზებით გაჯერებულ ბაზარზე კი მომხმარებლების ყურადღება სულ უფრო მცირდება.

მეწარმეები მუდმივად ეძებენ გზებს, რათა თავიანთი მესიჯი მკაფიოდ და ეფექტურად მიაწვდინონ აუდიტორიას. სწორედ აქ შემოდის ქოფირაითინგი – ტექსტების შექმნის ხელოვნება, რომელიც მომხმარებელს მოქმედებისკენ უბიძგებს.

რატომ არის ქოფირაითინგი მნიშვნელოვანი?

ქოფირაითინგი მარკეტინგული სტრატეგიის განუყოფელი ნაწილია. კარგი ქოფი არა მხოლოდ ბრენდის ხილვადობას ზრდის, არამედ მომხმარებლის ნდობასაც აყალიბებს და გაყიდვებსაც უწყობს ხელს. ეფექტური ტექსტი:

• იპყრობს ყურადღებას,
• აღძრავს ემოციებს,
• ამოტივირებს ქმედებას,
• ხდის ბრენდს უნიკალურს და დასამახსოვრებელს მომხმარებლებისთვის.

ქოფირაითინგის პოპულარული ფორმულები

ქოფირაითინგში მრავალი სტრატეგია და ფორმულა არსებობს, რომლებიც ტექსტის ეფექტურობას ზრდის.

განვიხილოთ რამდენიმე მათგანი, რომლებიც ყოველდღიურად გამოგადგებათ მომხმარებლებამდე თქვენი შეთავაზების სწორად მიტანაში.

1. AIDA (Attention, Interest, Desire, Action)

ყურადღება (Attention) — მიიქციეთ მკითხველის ყურადღება;

დასვით კითხვა ან კონცენტრირდით სიახლეზე, რომლითაც სამიზნე აუდიტორიის კონკრეტულ პრობლემაზე გაუსვამთ ხაზს.

ინტერესი (Interest) — ყურადღების მიქცევის შემდეგ მიაწოდეთ მას ისეთი ინფორმაცია, რომელიც მეტ ინტერესს გაუჩენს პროდუქტის მიმართ; გააღვიძეთ ინტერესი საინტერესო და შესაბამისი ინფორმაციით;

სურვილი (Desire) — ამ ეტაპზე მომხმარებელს უკვე ნივთის/მომსახურების შეძენის სურვილი უნდა გაუჩნდეს;

მოქმედება (Action) — მოუხმეთ მათ მოქმედებისკენ! იმოქმედოს (იყიდოს, გამოიწეროს, დარეგისტრირდეს და ა.შ.).

 ქართული ბრენდი, ,,ჩოკომია“-ს, მაგალითი, რომელიც ამზადებს ხელნაკეთ ყველიან ტრუფელებს:

2. BAB (Before, After, Bridge)

მანამდე (Before) – აღწერეთ რეალობა, სადაც თქვენი მკითხველი ცხოვრობს. აჩვენეთ პრობლემები, რომელთან გამკლავებაც მათ უწევთ. 

მერე (After) – აღწერეთ, როგორი იქნებოდა ალტერნატიული რეალობა, ამ პრობლემების გარეშე.

როგორ (Bridge) – დაანახეთ მკითხველს პრობლემის გადაწყვეტის გზა.

ფრანგული ენის ცენტრი ,,აპოსტროფი“-ს მაგალითი:

3. FAB (Features, Advantages, Benefits)

მახასიათებელი (Feature) – რა მახასიათებლები აქვს პროდუქტს ან სერვისს? იგულისხმება ტექნიკური ან ძირითადი მახასიათებლები.

უპირატესობა (Advantage) – რატომ არის ეს მახასიათებლები მნიშვნელოვანი? რას ნიშნავს ეს მახასიათებელი პრაქტიკაში და როგორ გამოარჩევს ის პროდუქტს ან სერვისს სხვების შეთავაზებებისგან.

სარგებელი (Benefits) – როგორ აგვარებს ეს მომხმარებლის პრობლემას ან აუმჯობესებს მათ ცხოვრებას?

,,Ikokids“–ის მაგალითი, რომელიც საბავშვო ხელნაკეთ განმავითარებელ სათამაშოებს გთავაზობთ:

ქოფირაითინგი გაცილებით მეტია, ვიდრე უბრალოდ სიტყვების დაწერა – ეს არის ფსიქოლოგიის, მარკეტინგის და სტრატეგიული კომუნიკაციის ერთობლიობა.

სიტყვა ბევრია, მათი კომბინაციები კი უფრო მეტი, თუმცა, გასათვალისწინებელია, რომ სიტყვათა სწორი წყობა ყველაფრის გასაღებია.

სწორად შერჩეული სიტყვები მომხმარებელს მოქმედებისკენ უბიძგებს, რაც ბიზნესის წარმატებას განაპირობებს. ამიტომ, თუ გსურთ, რომ თქვენი მესიჯი მართლაც დამაჯერებელი და შედეგიანი იყოს, გამოიყენეთ ზემოთ განხილული ფორმულები და სიტყვების ძალა თქვენს სასარგებლოდ გამოიყენეთ!

ბიზნესის ზრდა თქვენს ხელშია! აღმოაჩინეთ ახალი შესაძლებლობები და  მიიღეთ მხარდაჭერა BPN Georgia-სგან – bpngeorgia.ge.

The post სიტყვას დიდი ძალა აქვს! appeared first on BPN Georgia.

The post სიტყვას დიდი ძალა აქვს! appeared first on BPN Georgia.

როგორც ბილ გეიტსი ამბობს: „თქვენი ყველაზე უკმაყოფილო მომხმარებლები საუკეთესო წყაროა სწავლისთვის.“

ეს ფრაზა გვახსენებს, რომ დაძაბულობის მიღმა განვითარების შესაძლებლობები იმალება. კონფლიქტი საფრთხე კი არა, სარკეა, რომელიც გვაჩვენებს, რა შეგვიძლია გავაუმჯობესოთ და როგორ გადავაქციოთ გამოწვევა წარმატების წყაროდ.

ამ მნიშვნელოვან თემას ეხებოდა BPN Georgia-ს მიერ ორგანიზებული ვებინარი ,,დეესკალაციის ტექნიკები მომხმარებლებთან კომუნიკაციის პრობლემატური შემთხვევებისთვის”, რომელსაც შვეიცარიელი კომუნიკაციების ექსპერტი კლაუდია გაბლერი უძღვებოდა.

კლაუდია პოზიტიური კომუნიკაციების ექსპერტია და მრავალ საერთაშორისო კომპანიას ეხმარება კომუნიკაციაების სწორად წარმართვაში, იქნება ეს ბიზნეს შეხვედრები, პირისპირ ურთიერთობები, ტელემარკეტინგი თუ სხვა.

ვებინარში განსაკუთრებული ყურადღება გამახვილდა იმაზე, თუ როგორ შეიძლება:

• გაღიზიანებულ მომხმარებელთან დაძაბული საუბრის სწორად წარმართვა;
• რთული სიტუაციების თანამშრომლობის შესაძლებლობად გარდაქმნა;
• რთულ მომხმარებელთან ემოციების მართვა და ნდობის შენარჩუნება.

ვებინარი გამოირჩეოდა სიღრმით, რჩევებითა და ინსპირაციული მაგალითებით, რომლებიც საერთაშორისო პრაქტიკას ეყრდნობოდა.

ყველაზე რთული დიალოგი შეიძლება გახდეს თქვენი კომპანიის ზრდის ახალი წყარო. საკმარისია სწორი კომუნიკაცია და სწორი მიდგომა, რადგან  უკმაყოფილო მომხმარებლის არსებობა დაბრკოლება კი არა, არამედ შესაძლებლობაა.

The post კონფლიქტიდან შესაძლებლობამდე – დეესკალაციის ვებინარი BPN Georgia-ში appeared first on BPN Georgia.

The post კონფლიქტიდან შესაძლებლობამდე – დეესკალაციის ვებინარი BPN Georgia-ში appeared first on BPN Georgia.

ბიზნესის წარმატება მხოლოდ კარგ პროდუქტზე/სერვისზე არ არის დამოკიდებული. 

თუ გსურთ, გაყიდვები გაზარდოთ და ბიზნესი განავითაროთ, დროა, მომხმარებელთა მოთხოვნები თქვენს მთავარ სტრატეგიად აქციოთ.

სწორედ ამ მნიშვნელოვან თემას ეხებოდა სემინარი, რომელიც BPN Georgia-ს სივრცეში გაიმართა.

სემინარს გაყიდვებისა და მარკეტინგის საერთაშორისო ექსპერტი, Schindler Group-ის ყოფილი მარკეტინგის ხელმძღვანელი გერჰარდ შმიდი უძღვებოდა.

რას გულისხმობს მომხმარებლის საჭიროებების გაგება?

შმიდმა მონაწილეებს კონკრეტული მეთოდები გააცნო, რომლებიც გვეხმარება, ამოვიცნოთ მომხმარებლის რეალური პრობლემები და მათზე მორგებული გადაწყვეტილებები შევთავაზოთ. ეს არ არის მხოლოდ პროდუქტის გაყიდვა – ეს არის სამყაროს მომხმარებლის თვალით დანახვა, მისი გამოწვევების გაგება და იმის შეგრძნება, თუ რა განაპირობებს მის გადაწყვეტილებებს.

სემინარზე განხილული პრაქტიკული ინსტრუმენტები, როგორებიცაა მომხმარებლის მოგზაურობის რუკა, SMART კითხვები და „თევზის ჩონჩხის“ დიაგრამა, მონაწილეებს დაეხმარა, უკეთ გაეანალიზებინათ საკუთარი ბიზნესმოდელები და მომხმარებელზე მეტად ორიენტირებული სტრატეგიები შეემუშავებინათ.

შედეგი, რომელიც გაყიდვებს ზრდის

მომხმარებლის საჭიროებების სწორად ამოცნობა ბიზნესს ორ მთავარ უპირატესობას აძლევს:

1. ახალი მომხმარებლების მოზიდვა: თქვენი პროდუქტი ან სერვისი ზუსტად პასუხობს არსებულ პრობლემებს, რაც ახალ მომხმარებლებს იზიდავს.
2. არსებული მომხმარებლების შენარჩუნება: როცა მომხმარებელი გრძნობს, რომ მისი საჭიროებები გაგებულია და დაკმაყოფილებულია, ის თქვენი ერთგული ხდება.

ნებისმიერი წარმატებული გაყიდვა იწყება არა მარკეტინგული ხრიკებით, არამედ მომხმარებლის ,,მტკივნეული წერტილების” აღმოჩენითა და მისი მოთხოვნების დაკმაყოფილებით. 

თუ ამ მიდგომას დანერგავთ, თქვენი მომხმარებლები თქვენზე „დამოკიდებულები“ გახდებიან და თქვენი ბიზნესიც ბევრად უფრო წარმატებული იქნება.

The post ისწავლეთ მომხმარებლის მოსმენა! appeared first on BPN Georgia.

The post ისწავლეთ მომხმარებლის მოსმენა! appeared first on BPN Georgia.

18 თებერვალს კიდევ ერთი საინტერესო და სასარგებლო შეხვედრა შედგა BPN Georgia-ში.

ჩვენი პროგრამის ერთ-ერთმა წარმატებულმა მონაწილემ, ნათია სხვიტარიძემ – FAS Group-ის მმართველმა-პარტნიორმა, პროგრამის სხვა მონაწილეებს გაუზიარა თავისი მრავალწლიანი გამოცდილება ფინანსური აღრიცხვისა და ბიზნესის მართვის სფეროში.

შეხვედრის პირველი ნაწილი დაეთმო სწორი ფინანსური აღრიცხვის მნიშვნელობას. ნათიამ გამოკვეთა, თუ როგორ შეუძლია გამართული ბუღალტრული სისტემის არსებობას პირდაპირი გავლენა იქონიოს ბიზნესის ზრდასა და მდგრადობაზე.

მან ისაუბრა გავრცელებულ შეცდომებზე, რომელთა თავიდან აცილებაც მცირე და საშუალო ბიზნესებისთვის მნიშვნელოვანია და წარმოადგინა პრაქტიკული რეკომენდაციები.

განსაკუთრებული ყურადღება მიექცა ტექნოლოგიურ სიახლეს, რომელიც FAS Group-მა განავითარა მცირე ბიზნესის მხარდასაჭერად, აპლიკაცია FAS APP – ციფრული ბუღალტერი.

ეს ინოვაციური ინსტრუმენტი ამცირებს დოკუმენტაციის მართვის სირთულეს, ამარტივებს შემოსავლების სამსახურთან ურთიერთობას და ზოგავს როგორც დროს, ისე ფინანსურ რესურსებს.

შეხვედრის მეორე ნაწილი ინტერაქტიული იყო და კითხვა-პასუხის ფორმატში დამსწრეებმა ამომწურავი პასუხები მიიღეს მათთვის მნიშვნელოვან კითხვებზე, როგორც ფინანსურ აღრიცხვასთან, ისე აპლიკაციის პრაქტიკულ გამოყენებასთან დაკავშირებით.

BPN Georgia-სთვის განსაკუთრებული მნიშვნელობა აქვს იმ პლატფორმის შექმნას, სადაც მეწარმეები ერთმანეთს უზიარებენ ცოდნას, გამოცდილებასა და ახალ შესაძლებლობებს.

BPN Georgia – ერთად ძლიერი მეწარმეობისთვის საქართველოში!

The post ციფრული ბუღალტერი – BPN Georgia-ელები ერთმანეთის მხარდასაჭერად! appeared first on BPN Georgia.

The post ციფრული ბუღალტერი – BPN Georgia-ელები ერთმანეთის მხარდასაჭერად! appeared first on BPN Georgia.

ბრენდებსაც, ანალოგიურად, როგორც ჩვენ, ადამიანებს, განსხვავებული სულისკვეთება, მისია, მიზნები ამოძრავებთ, განსხვავებული ისტორია, პრიორიტეტები და სასაუბრო ტონი აქვთ და ამ ყველაფრის საშუალებით მომხმარებელთა გონებაში წარუშლელ კვალს ტოვებენ.

ალბათ თქვენც არაერთხელ გსმენიათ კითხვა – ბრენდია ადამიანი?! და სწორედაც რომ ასეა…

მარკეტოლოგები თითოეული ბრენდის იდენტობის შექმნაში უზარმაზარ შრომას დებენ. ამ პროცესში კი ბრენდისთვის არქეტიპების სწორად შერჩევა ერთ-ერთ მთავარ როლს თამაშობს.

სანამ მთავარ თემაზე გადავიდოდეთ განვსაზღვროთ რას ნიშნავს ,,არქეტიპი“ და რა მნიშვნელობის მატარებელია იგი ,,ბრენდის ცხოვრებაში“?

ტერმინი არქეტიპი ბერძნული სიტყვიდან („archetypon“)  მოდის, რაც  ,,პირველ სახეს“, ,,ამოსავალ ფორმას“ ნიშნავს. ფსიქოლოგიაში  პირველად მასზე საუბარი იუნგა დაიწყო, რომლის მიხედვითაც არქეტიპები ადამიანების ფსიქიკის უმნიშვნელოვანეს ნაწილს წარმოადგენს, რომელიც გენეტიკურად დაგროვილ ინფორმაციას გადმოგვცემს. არქეტიპების სხვადასხვა სახე არსებობს და ის, თუ რომელი ტიპის არქეტიპს წარმოვადგენთ განსაზღვრავს რა ტიპის ადამიანი ვართ, რა ღირებულებები თუ ცხოვრების საზრისი გაგვაჩნია.

მარკეტინგი ფსიქოლოგიის გარეშე ალბათ წარმატებას ვერ მიაღწევდა. შესაბამისად, მარკეტოლოგებმა არქეტიპების თემა ბრენდებს შეუსაბამეს, რომელიც ნათლად წარმოაჩენს ბრენდის მისიას, მისწრაფებებს, ღირებულებებს, ხასიათს მომხმარებელთან ურთიერთობაში, რაც საერთო ჯამში ბრენდის სახეს ქმნის.

დიდი ბრენდების შემთხვევაში არქეტიპზე მსჯელობა, ფიქრი მისი შექმნის პროცესშივე იწყება, თუმცა, ალბათ, ხშირ შემთხვევაში, მცირე მეწარმეებს საკუთარი ბიზნესის შექმნისას ამ თემაზე ფიქრის საშუალებაც კი არ აქვთ.

არადა, სწორად შერჩეული არქეტიპი ბრენდს სასიცოცხლო ნიშნებს სძენს, მისი ადამიანური თვისებებისა და სახის დანახვაში გვეხმარება, რაც თითოეული  კომპანიის მიმართ მომხმარებელთა ლოიალურობის ამაღლებას უწყობს ხელს და მისდამი დადებით ემოციებს იწვევს.

მოდით, ერთად განვიხილოთ  არქეტიპები, მოვიყვანოთ ქართული კომპანიების მაგალითები და თუ ჯერ არ გვაქვს განსაზღვრული ჩვენი ბრენდის არქეტიპი, ამ ყველაფრის ფონზე დავადგინოთ რომელ მათგანს წარმოადგენს იგი.

Innocent (უმანკო, უწყინარი, გულუბრყვილო) – ბრენდის ამ სახეობის მიზანი ყველას გახარება და გაბედნიერებაა. ეს არის კეთილი, ახალგაზრდა, ოპტიმისტი, რომანტიკული თვისებების მქონე არქეტიპი. შესაბამისად, მისი მარკეტინგული ნიშაც ისეთ კომპანიებს მოიცავს, რომელთა ღირებულებებიც გულწრფელობა, სიკეთე და სიმარტივეა. ისინი იყენებენ ბუნებრივ ინგრედიენტებს  და ხშირ შემთხვევაში ასეთი ბრენდები ბავშვებთან ან ოჯახთან ასოცირდება.

მაგალითად  – კომპანია ,,ჩერო“ – სლოგანით ,,არ შეაჩერო ბედნიერება“ ამ არქეტიპის კარგი მაგალითია.

Explorer (აღმომჩენი, მკვლევარი) – ბრენდის ამ სახეობის მიზანი აღმოჩენებისა და ახალი გამოცდილებების მიღებაა. ეს არის თავისუფლების მოყვარული, ამბიციური, დამოუკიდებელი სულისკვეთების მქონე არქეტიპი ლიდერული უნარ-ჩვევებით, რომლის მარკეტინგული ნიშაც მორგებულია რისკიან, ამაღელვებელ კომპანიებზე, რომლებიც თავისუფლებისკენ მოგვიწოდებენ.

მაგალითად – კომპანია ,,Crosty” – ,,შექმენი შენი რევოლუცია“.

Ruler (მმართველი) – არქეტიპის ამ სახეობის მიზანი წესრიგის დამყარებაა. ეს არის მისაბაძი, ორგანიზებული, პასუხისმგებლიანი, ლიდერული უნარ-ჩვევების მქონე არქეტიპი, რომელიც ეხმარება ადამიანებს, დაამყარონ წესრიგი ქაოსში და იყვნენ უფრო ორგანიზებულნი.

იმიჯი და ძალაუფლება ერთ-ერთ მთავარ პრიორიტეტს წარმოადგენს. ეს არქეტიპი დაკავშირებულია ისეთ ბრენდებთან, რომლებიც სტატუსსა და გავლენას გვძენს, საქმიან ცხოვრებას გვიმარტივებს.

მაგალითად – ,,ზარაფხანა“, ,,ციკოლია“.

Everyman (საყოველთაო) – ამ არქეტიპის მიზანი კავშირების დამყარებაა. არის უბრალო, ერთგული, მხარდამჭერი, მეგობრული თვისებების მქონე არქეტიპი, რომელიც საიმედოობის განცდას გვიტოვებს და ძირითადად ოჯახებზეა ორიენტირებული. ასეთი არქეტიპის ბრენდები გვეხმარება განწყობის ამაღლებაში და მორგებულია ისეთ კომპანიებს, რომლებიც უპირატესობას ანიჭებენ ღირსებას, ადამიანურ ურთიერთობებს…

მაგალითად – ,,ძველი სუფრა“.

Magician (ჯადოსნური) – ამ არქეტიპის მიზანი ოცნებების ახდენა და რაღაც განსაკუთრებულის შექმნაა. ასეთი ტიპის კომპანიები ეხმარებიან ადამიანებს რაღაცის შეცვლაში, მაგალითად: შეხედულებების, მოსაზრებების და არწმუნებენ რომ არაფერია შეუძლებელი. ეს არის ქარიზმატული, შესანიშნავი წარმოსახვის უნარის მქონე არქეტიპი, რომელიც გვამცნობს რომ საზღვრები მხოლოდ ჩვენს გონებაშია…

მაგალითად – Iko Kids, Dino – (ქართველი მცირე მეწარმეები) ბრენდები, რომლებიც დაკავშირებულია ბავშვებისთვის ჯადოსნური სამყაროს შექმნასთან. მათი პროდუქცია, საბავშვო კარავი, სათამაშოები ბავშვების ოცნებების რეალობად ქცევას ემსახურება და მათი განვითარებასა და წარმოსახვის უნარების გაუმჯობესებაში დიდი წვლილი შეაქვს.

Hero (გმირი) – პასუხისმგებლიანი, ძლიერი, თავდაჯერებული, მიზანდასახული, თამამი თვისებების მქონე არქეტიპია, რომელიც ისეთ ბრენდებს შეეფერება, რომელთა მიზანიც სამყაროს გაუმჯობესებაა. გმირი არქეტიპის მთავარი ორიენტირი პრობლემების გადაჭრა ან სხვისთვის მოტივაციის მიცემაა.

მაგალითად – ,,საქართველოს ბანკი“

Creator (შემოქმედი) – კრეატიული, კარგი წარმოსახვის უნარის მქონე, შემოქმედი არქეტიპი, რომელიც მუდამ ცდილობს ღირებული რამის შექნას და ადამიანებს აძლევს საკუთარი თავის გამოხატვის საშუალებას.

ქართული კომპანიების მაგალითიდან შეგვიძლია აღვნიშნოთ ,,მეამა“ – სლოგანით ,,იყავი ის ცვლილება, რაც გინდა, რომ შენს გარშემო მოხდეს”. ასევე, ,,ბარამბო“, რომელიც თავის სფეროში 2009 წლიდან ქართულ ბაზარზე იყო პირველი კომპანია, რომელმაც ქართულ მომხმარებელს მაღალი ხარისხის შოკოლადი, ნაყინი და სხვა ნაწარმი შესთავაზა.

Rebel (THE OUTLAW) (მეამბოხე) – მეამბოხე ცვლილებებისკენ მიდრეკილი თვისებების მქონე არქეტიპია, რომელსაც წესების დარღვევა და მაქსიმალური თავისუფლების მიღება უყვარს. წესები იმისთვისაა, რომ დაარღვიო – სწორედ ეს არის ამ არქეტიპის მოწოდება და აქტიურად ცდილობს ტაბუების დამსხვრევას. საერთაშორისო მაგალითების ფონზე Harly Davidson მკაფიოდ გამოხატავს მეამბოხე სულისკვეთებას, ქართული კომპანიებიდან კი შეგვიძლია დავასახელოთ ,,კაიაკი“ – მარტივი ლუდი, რომლის მთავარი მიზანიც ლუდის ინდუსტრიაში ,,კლიშეებისგან“ განთავისუფლებაა.

Lover (მოსიყვარულე) – თბილი, თავგანწირული, იდეალისტური, მშვიდი, სენსიტიური თვისებების მქონე არქეტიპია, რომელიც ყველა სახის სიყვარულს აერთიანებს: მშობლიურს, ოჯახურს, მეგობრულს, სულიერსა და რომანტიკულს. მას სურს ადამიანებს თავი გამორჩეულად და განსაკუთრებულად აგრძნობინოს. ასეთი ტიპის არქეტიპი მორგებულია ისეთ ბრენდებზე, რომლებიც გვეხმარებიან მიმზიდველობის შენარჩუნებაში, მეორე ნახევრის პოვნაში, გვანიჭებენ სიამოვნებასა და ძირითადად ესთეტიკასა და დახვეწილობასთან ასოცირდება.

მაგალითად – ,,ვაინეს“ – ,,ყველაზე გულწრფელი საფერავი, რომელიც გვაკავშირებს“,

Sage (ბრძენი) – ინტელექტუალი, ცნობისმოყვარე, კარგი ანალიტიკური და მენტორობის უნარის მქონე არქეტიპია, რომლის მიზანიც სამყაროს დახმარებაა სიბრძნისა და გამჭრიახობის მოპოვებაში. ამ არქეტიპს უყვარს საკუთარ თავში ჩაღრმავება, მუდამ ჭეშმარიტების ძიებაშია და ადამიანებს ეხმარება თვალსაწიერის გაფართოებაში, მეტი ინფორმაციის მოპოვებაში, გადაწყვეტილების მიღებაში, განვითარებაში და სხვა. გუგლი ამ არქეტიპის ყველაზე კარგი მაგალითია, ქართული რეალობიდან კი შეგვიძლია დავასახელოთ მაგ: ,,ბიბლუსი“ სლოგანით ,,ხელი შევუწყოთ ქვეყანაში წიგნიერების დონის ამაღლებას“.

Caregiver (მზრუნველი) – ალტრუისტი, გულუხვი, ემპათიური, მზრუნველი, თავდაუზოგავი, საიმედო, დედობრივი, აღმზრდელობითი თვისებების მქონე არქეტიპია, რომლის მთავარი მიზანი ზრუნვა და დაცვაა. იგი მოქმედებს, როგორც მშობელი, რომელიც მუდამ უსაფრთხო სივრცის შექმნას ცდილობს შვილებისთვის. ასეთი არქეტიპი ერგება ისეთ კომპანიებს, რომლებიც დაკავშირებულია უსაფრთხოებასთან, სხვებზე ზრუნვასთან, დახმარებასთან.

მაგალითად – ,,ბაკურიანი“, ,,ბორჯომი“, რომლებიც ინახავენ მრავალი წლის ისტორიას და ახორციელებენ უამრავ საქველმოქმედო ღონისძიებებს ადამიანებისა თუ ბუნების დასახმარებლად.

Jester (ოხუნჯი, მასხარა) – იუმორის გრძნობით სავსე, მხიარული, ცელქი, იმპულსური, კრეატიული, ოპტიმისტური თვისებების მქონე არქეტიპია, რომელიც ცდილობს ცხოვრებით ტკბობას და პრობლემებს დიდ დაბრკოლებად არ აღიქვამს. ეს არქეტიპი მორგებულია ისეთ ბრენდებზე, რომელთა მიზანიც აუდიტორიის გართობაა. იგი მომხმარებელს აძლევს საშუალებას გაატაროს კარგი დრო და დატკბეს იმით, რასაც აკეთებს, რადგან მხოლოდ ერთხელ ვცხოვრობთ. არ ადარდებს ავტორიტეტები და მარცხის შემდეგ ხუმრობით მარტივად შეუძლია ფეხზე დადგომა.

მაგალითად – ,,ალტერსოქსი“, რომელიც ყოველდღიური მოსაწყენი წინდების ნაცვლად გამორჩეული სტილის წინდებს გვთავაზობს, გვილამაზებს ლუქს და სოციალურ მედიაშიც სახალისო კონტენტით გამოირჩევა.

უმჯობესია ბრენდს ერთი არქეტიპი ჰქონდეს, თუმცა არსებობს შემთხვევები, როდესაც მას აქვს ერთი მთავარი და მეორე  დამხმარე არქეტიპი. ყოველთვის უნდა გვახსოვდეს, რომ არქეტიპს უნდა ამართლებდეს ბრენდის სასაუბრო ტონი და თავად პროდუქტი.

არქეტიპი დაგეხმარებათ ბრენდის სათქმელის სწორ აუდიტორიამდე მიტანაში.

თუ გსურთ თქვენი ბიზნესის სტრატეგიული განვითარება, შემოგვიერთდით BPN Georgia-ს ბიზნესის ხელშემწყობ პროგრამაში.

BPN Georgia – ერთად ძლიერი მეწარმეობისთვის საქართველოში!

The post სწორად შერჩეული არქეტიპი კომპანიის წარმატების გასაღებია appeared first on BPN Georgia.

The post სწორად შერჩეული არქეტიპი კომპანიის წარმატების გასაღებია appeared first on BPN Georgia.

The post ელენე მარტყოფლიშვილი appeared first on BPN Georgia.

ამ ფაქტორის გაცნობიერებასთან ერთად მენტალური ჯანმრთელობის როლი ბიზნესში საგრძნობლად გაიზარდა. კვლევებით დასტურდება, რომ მენტალური ჯანმრთელობის პრობლემები საკმაოდ  მაღალია ბიზნეს სექტორში, კერძოდ კი მენეჯმენტში დასაქმებულ პირებთან. ამიტომ მნიშვნელოვანია დრო დავუთმოთ ამ თემაზე მსჯელობას, ფიქრს.

მრავალი ადამიანის წარმოდგენით ბიზნესით დაკავება ცხოვრების ბრწყინვალე გზად აღიქმება, თუმცა ფაქტია, რომ ბიზნეს საქმიანობა მაღალ სტრესთანაა დაკავშირებული და ზოგჯერ ნეგატიურ გავლენას ახდენს ჩვენს ფსიქიკურ თუ ფიზიკურ ჯანმრთელობაზე.

ამ თემაზე ყურადღების გამახვილება ყველა ადამიანისთვის არის  მნიშვნელოვანი მისი სამსახურეობრივი პოზიციის მიუხედავად. სამწუხაროა, ის ფაქტი, რომ წარმატებული მეწარმეებიდან, დასაქმებული თანამშრომლებიდან ცოტა ვინმე თუ საუბრობს ამ თემაზე, რადგან აღნიშნული საკითხი ჯერ კიდევ სტიგმად რჩება.

თუმცა, იზრუნო მენტალურ ჯანმრთელობაზე ნიშნავს გამოხატო სიყვარული საკუთარი თავის მიმართ.

მოდით, ერთად განვიხილოთ, რა არის მენტალური ჯანმრთელობა, რა მნიშვნელობის მატარებელია იგი ჩვენს ყოველდღიურ ცხოვრებაში, რა ნიშნებით ვლინდება, რით შეგვიძლია მისთვის ხელის შეწყობა და რას აკეთებენ კომპანიები თანამშრომელთა დასახმარებლად?

მსოფლიოს ჯანდაცვის ორგანიზაციის განმარტების თანახმად, მენტალური ჯანმრთელობა ეს არის ადამიანის ფსიქოლოგიური, ემოციური და სოციალური საკითხების ერთობლიობა, რომელიც ადამიანს თავს კეთილდღეობაში მყოფად აგრძნობინებს, რაც თავის მხრივ მოიაზრებს  ადამიანის ადეკვატური თვითშეფასების, ეფექტურად მუშაობის, სტრესთან და ჩვეულ სირთულეებთან გამკლავების (სტრესმედეგობის), ადამიანებთან ჯანსაღი ურთიერთობის, სწორი გადაწყვეტილებების მიღების, ცხოვრების ბალანსირებისა და სხვა მნიშვნელოვან უნარებს, რის შედეგადაც პიროვნება საკუთარი ცხოვრებით ბედნიერია.
,,ბედნიერება შთააგონებს შემოქმედებითობას, პროდუქტიულობას და წარმატებას.“ – შონ აკორი

თითოეული ჩვენგანის მენტალურ ჯანმრთელობაზე, ჩვენს ემოციურ მდგრადობაზე როგორც დადებით, ისე უარყოფით გავლენას ახდენს  მრავალი ფაქტორი, რომელიც ჩვენი ყოველდღიური ცხოვრების განუყოფელი ნაწილია. მათ შორის: ურთიერთობები, მიღწევები, სამსახურეობრივი თუ პირადი სტრესი, ცხოვრების წესი, ფიქრები და სხვა.
შედეგად გვეცვლება გუნება-განწყობა, თავს დაღლილად და გამოფიტულად ვგრძნობთ, საკუთარ თავს ხშირად ვადანაშაულებთ და მიღწევებსაც კი აღარ ვაღიარებთ, ყველასგან დისტანცირების სურვილი გვიჩნდება და საკუთარ თავში ვიკეტებით.

სასურველია დროულად მივხედოთ ამ ყველაფერს, რადგან უგულებელყოფის შემთხვევაში შედეგად შესაძლოა კონცენტრირების დაქვეითება, დაუფიქრებელი, იმპულსური ქცევები,  შიშის,  გადაჭარბებული ღელვის განცდა და სხვა ნიშნები მივიღოთ.
ცხადია, ამდენი ფაქტორის ერთად თავმოყრა ამცირებს ჩვენს პროდუქტიულობას, მიუღწეველი შედეგები კი კიდევ უფრო ცუდად გვაგრძნობინებს თავს.

მენტალური ჯანმრთელობა სხვა არაფერია თუ არა საკუთარ თავზე ზრუნვა, ლმობიერი დამოკიდებულება და შემწყნარებლობა.
იმისთვის, რომ ხელი შევუწყოთ ჩვენს მენტალურ ჯანმრთელობას, საჭიროა გვქონდეს ბალანსირებული ცხოვრების წესი, რაც მრავალ ფაქტორს აერთიანებს, მათ შორის: ჯანსაღ კვებას, ხარისხიან ძილს, კარგ ურთიერთობებს, ფიზიკურ აქტივობას, ჰობების, თვითმოვლის უნარ-ჩვევების ქონას, სტრესმედეგობის უნარს და სხვა.

უნდა გვახსოვდეს, რომ არ არსებობს ადამიანის ცხოვრება სტრესის გარეშე, რადგან იგი თითოეული ცვლილების, სიახლის თანმდევი მოვლენაა. სტრესმედეგობა არ ნიშნავს მის თავიდან არიდებას, არამედ მთავარია, რა საპასუხო რეაქციები, ქმედებები გვაქვს მის სამართავად.
სტრესმედეგობისთვის სწორი მიდგომების ჩამოყალიბებაში აუცილებლად დაგეხმარებათ სისტემატიური ვარჯიში, მედიტაცია (მაგ; მაინდფულნესი – სტრესთან გამკლავების პროგრამა), ჯანსაღი კვება, ძილის მოწესრიგება, დროის მენეჯმენტი და სხვა.
მენტალურად ჯანმრთელი ადამიანის მიერ გაწეული შრომა  ნაყოფიერია და თან პიროვნება ამ დროს იმდენად არის მოტივირებული, რომ ცდილობს საკუთარი წვლილი შეიტანოს არა მხოლოდ საკუთარი თავის, არამედ სოციუმის განვითარებაშიც. და რაც მთავარია, ადამიანი ამ დროს თავს ბედნიერად და  რეალიზებულად გრძნობს, მისი ცხოვრების და საქმიანობის ხარისხი მნიშვნელოვნად მაღალია.
მოუფრთხილდით საკუთარ თავს და იზრუნეთ როგორც საკუთარ, ისე გარშემო მყოფების მენტალურ ჯანმრთელობაზე, რადგან მენტალური ჯანმრთელობა თითოეული ჩვენგანის სრულფასოვანი ცხოვრების განუყოფელი ნაწილია!

თემის აქტუალობასთან ერთად მრავალი კომპანიისთვის დასაქმებულთა მენტალური ჯანმრთელობა პრიორიტეტულ საკითხად იქცა. დაზღვევა, ფიტპასი, კორპორატიული ივენთები, სხვადასხვა სოციალური აქტივობები, ბუნებაში გასვლითი ღონისძიებები, ჯგუფური ან ინდივიდუალური თერაპიული/ქოუჩ სესიები – ეს იმ მცირე აქტივობათა ჩამონათვალია, რასაც დამსაქმებლები თანამშრომლებისთვის აკეთებენ.

და თუ თქვენ თავად ხართ დამსაქმებელი, ეცადეთ შექმნათ დასაქმებულებისთვის ფსიქოლოგიურ-ემოციურ-სოციალურად ჯანსაღი გარემო, არ დაიშუროთ რესურსი და იზრუნეთ სათანადოდ, რადგან ,,მენტალური ჯანმრთელობა ისეთივე მნიშვნელოვანია, როგორც ფიზიკური  და იმსახურებს იგივე ხარისხის მხარდაჭერას.” – ქეით მიდლტონი

The post მენტალური ჯანმრთელობა ბიზნესში appeared first on BPN Georgia.

The post მენტალური ჯანმრთელობა ბიზნესში appeared first on BPN Georgia.

ტექნოლოგიების სამყაროში დროის ნაკლებობას ყველა განიცდის. მრავალ საქმეში ერთდროულად გახვეული ადამიანი ეფექტურად ვერცერთს უმკლავდება. მუდმივი გადარბენა, სტრესი, ნაკლები დრო საკუთარი თავისთვის, ალბათ ყველა ჩვენგანისთვის ნაცნობ სიტუაციას წარმოადგენს.

სხვადასხვა სემინარსა თუ უბრალოდ ინტერნეტ მასალებში მრავალ ტექნიკას შეხვდებით იმის შესახებ, თუ როგორ მართოთ თქვენი დრო სწორად. ეს შეიძლება იყოს: პომოდოროს ტექნიკა, პარეტოს პრინციპი, SMART მიზნების გაწერა და სხვა მრავალი. ბევრს მიაჩნია, რომ უბრალოდ ტექნიკების ცოდნა გამოსავალია დროის სწორად სამართავად, თუმცა რეალობა ამას არ ადასტურებს.

ცხადია, ტექნიკების ცოდნა აუცილებელია, თუმცა მათ განსახორციელებლად ჩვენი ფსიქოემოციური მზაობაა საჭირო. რეალობა ის არის, რომ დროს ვერც გავზრდით და ვერც ვიყიდით. გამოსავალი  მხოლოდ საკუთარი თავის მართვაა დროსთან მიმართებაში.

ალბათ ყველას გქონიათ შემთხვევა, როდესაც ძალიან დაღლილი ხართ, ცდილობთ დასვენებას, თუმცა არ გამოგდით, რადგან ფიქრები არ გასვენებთ ( ფიქრებით იმ საქმესთან ხართ, რომელიც ჯერ კიდევ შესასრულებელი გაქვთ). იმისთვის, რომ დასვენება სინდისის ქენჯნის გარეშე მოვახერხოთ, საჭიროა ვმართოთ ჩვენი ენერგია და არა დრო, რადგან დროს ასე უფრო პროდუქტიულად გამოვიყენებთ.

ენერგიების სწორად სამართავად აუცილებელია თვითზრუნვის კულტურის დანერგვა. თვითზრუნვის კულტურა გულისხმობს იმას, რომ ჩვენ კარგად გვაქვს შესწავლილი ჩვენი სხეული, ფსიქიკა. ვიცით, რა დროს რა სჭირდება მას. გაანალიზებული გვაქვს, რომ ჩვენი ტვინი არის ბატარეა, რომელსაც ,,დამუხტვა“ სჭირდება, როგორც საკვებით, ისე სხვა მასტიმულირებელი საშუალებებით. ეს იქნება ვარჯიში, ცეკვა, სასიამოვნო მუსიკის მოსმენა, წიგნის კითხვა, საყვარელ ადამიანებთან ერთად დროის გატარება თუ სხვა.

იმისთვის რომ ჩვენი ფსიქიკა იყოს ფუნქციური, ტვინს სჭირდება 4 მნიშვნელოვანი ჰორმონის ბალანსი: სეროტონინის, დოფამინის, ოქსიტოცინის და   ენდორფინის.    თუ ეს ჰორმონები მწყობრშია, მაშინ ჩვენი  პროდუქტიულობა 30%-ით გაზრდილია.

დროის კუთხით ყველა თანასწორნი ვართ, რადგან ყველას მსგავსი რესურსი გვაქვს. დრო კი ისეთი რესურსია, რომელსაც ვერ შევინახავთ. ამიტომ ,,ჩვენ უნდა ვაიძულოთ დროს, რომ ჩვენთვის იმუშაოს.“

24 საათი დღეში – ეს არის მოცემულობა და სწორედ ჩვენზეა დამოკიდებული როგორ გავანაწილებთ მას.

როცა ადამიანს სამუშაოსა და პირად ცხოვრებას შორის ბალანსი აქვს დამყარებული, რა თქმა უნდა, ის უფრო მეტ რამეს ასწრებს და უფრო მეტად კმაყოფილია საკუთარი ცხოვრებით. ამიტომ ადამიანმა დროის მენეჯმენტი უნდა დაიწყოს ცხოვრების ბალანსის დაცვით. ბალანსი გულისხმობს ოთხი მიმართულებით დროის და პრიორიტეტების გადანაწილებას.
1. ცხოვრების საზრისი – აკეთებთ იმას, რაც გაბედნიერებთ? თუ არა, როგორ შეგიძლიათ თქვენი საქმიანობა უფრო შინაარსიანი გახადოთ?
2. ჯანმრთელობა – საკმარისად გძინავთ? ჯანსაღ საკვებს იღებთ? რეგულარულად ვარჯიშობთ?
3. ურთიერთობები – რამდენად ხშირად უთმობთ დროს ოჯახსა და მეგობრებს?
4. სამუშაო – მუშაობთ ოპტიმალურად თუ უბრალოდ გადაღლილობამდე?

ცხოვრების ცალკეული სფეროები ერთმანეთთან მჭიდრო ურთიერთკავშირშია. მაგალითად, სამსახურეობრივი გადატვირთვა სოციალურ ურთიერთობებსა და ჯანმრთელობაზე ახდენს გავლენას. ცხოვრების საზრისისა და ღირებულებათა სისტემის გარეშე კი იკლებს პირადი მოტივაცია და რაიმეს მიღწევის უნარი.

ერთ რომელიმე სფეროზე განსაკუთრებული კონცენტრირება სხვა სფეროების უგულებელყოფას იწვევს. ეს დეფიციტი კი გავლენას ახდენს ქმედითუნარიანობაზე.
დრო – ეს არის არადაგროვებადი და არააღდგენადი რესურსი, რომელსაც გაფრთხილება სჭირდება. დაბალანსებული ცხოვრება კი ყველაზე დიდი მიღწევა და მოტივატორია და  ეს სტიმული თავად გკარნახობს, რა როდის გააკეთოთ.

თუ გსურთ გაიგოთ, როგორ მართოთ თქვენი დრო სწორად, როგორ ებრძოლოთ პროკრასტინაციას და სწორად განსაზღვროთ თქვენი დღის წესრიგი, მაშინ დარეგისტრირდით დროის მენეჯმენტის სემინარზე.

The post დაისვენეთ იქამდე, ვიდრე დაიღლებით appeared first on BPN Georgia.

The post დაისვენეთ იქამდე, ვიდრე დაიღლებით appeared first on BPN Georgia.

ოდესმე გიფიქრიათ იმაზე, თუ რატომ კარგავენ გიგანტი კომპანიები მომხმარებლებს? რატომ აღმოჩნდება ხოლმე მათ მიერ წარმოებული ერთ დროს პოპულარული პროდუქცია მომხმარებელთა ყურადღების მიღმა?

ალბათ, თქვენ წარმოდგენაც კი არ გსურთ იმის, რომ თქვენი ბიზნესი ოდესმე მსგავსი პრობლემის წინაშე შეიძლება აღმოჩნდეს. ამ პატარა სტატიაში გაგაცნობთ ზემოთ მოცემული პრობლემის გამომწვევ მიზეზს და გაგიზიარებთ რჩევებს, რომლებიც დაგეხმარებათ მარკეტინგული მიოპიისგან თავის არიდებაში.

გსმენიათ მაიოპიაზე? იცით, რა არის და როდის წარმოიქნება მარკეტინგული მიოპია?

მარკეტინგულ მიოპიას, იგივე მარკეტინგულ სიბეცეს, შესაძლოა მარკეტინგული ახლომხედველობაც ვუწოდოთ, ვინაიდან ის თავს მაშინ იჩენს, როცა კომპანია დიდ ყურადღებას უთმობს გაყიდვებს და არ ფიქრობს გრძელვადიანად მარკეტინგსა და მომხმარებელთა საჭიროებებზე. მოკლე ვადაში გათვლილი მეტი გაყიდვისთვის კომპანია მასობრივ წარმოებაზე გადადის, შედეგად მხედველობიდან იკარგება გრძელვადიანი მიზნები და მომხმარებელი თავისი მოთხოვნილებებით, სურვილებითა და საჭიროებებით.

ბიზნესისთვის წარმატების განმაპირობებელ მთავარ ფაქტორს მომხმარებელთა საჭიროებების დადგენა და შემდგომ მათ დაკმაყოფილებაზე ზრუნვა წარმოადგენს. არ უნდა დაგვავიწყდეს – მომხმარებელთა მოთხოვნილებები მუდმივად იცვლება. მათ დღითიდღე კიდევ უფრო დახვეწილი, მათ საჭიროებებზე მორგებული პროდუქცია ესაჭიროებათ. შესაბამისად ბიზნესი უწყვეტ კონტაქტში უნდა იყოს საკუთარ მომხმარებელთან, იცნობდეს მის აქტუალურ მოთხოვნილებებს, მუდმივად უნდა იკვლევდეს, დეტალურად სწავლობდეს იმ სეგმენტს, რომლის ათვისებასაც აპირებს.

კარგად რომ გავიაზროთ რას გულისხმობს მარკეტინგული მიოპია, გავეცნოთ მსოფლიოს 2 გიგანტი კომპანიის – Nokia-ს და Apple-ს მაგალითს.

Nokia ყველასთვის კარგად ნაცნობი ბრენდია. ათწლეულების მანძილზე იგი მობილური ტელეფონების უმსხვილესი მწარმოებელი იყო. როგორ ფიქრობთ, რატომ დაკარგა პოპულარობა ცნობილმა ბრენდმა? დაახლოებით 2007 წლიდან მისმა აღმასვლამ საპირისპირო მიმართულება მიიღო. ამის გამომწვევი მიზეზი სხვა მწარმოებლების, კერძოდ კი Apple-ის და Android-ის სენსორულ სმარტფონებზე მზარდი მოთხოვნა გახდა.

შეცდომა, რომელიც Nokia-მ დაუშვა იყო ის, რომ იგი კონცენტრირდა მოკლევადიან მიზანზე, გაყიდვების მაღალ მაჩვენებელზე, დაიწყო პროდუქტის მასიური წარმოება ისე, რომ არ გაითვალისწინა მომხმარებელთა ფსიქოლოგია და მისი მუდმივი სწრაფვა სიახლეებისადმი, შედეგად კი ბაზრის ლიდერად Apple იქცა, კომპანია, რომელიც ყოველთვის ცდილობს იყოს ინოვაციური, თუნდაც ვიზუალური კუთხით. Apple კარგად იცნობს მომხმარებელთა ფსიქოლოგიას, ორიენტირებულია მათთან გრძელვადიანი ურთიერთობის დამყარებაზე და მაღალი ფასის მიუხედავადაც კი მსოფლიოს მასშტაბით ინარჩუნებს მომხმარებელთა ლოიალურობას.

მარკეტინგული მიოპიისგან თავის ასარიდებლად:

• შეისწავლეთ მომხმარებელთა საჭიროებები და კონცენტრირდით მათთან გრძელვადიანი ურთიერთობის ჩამოყალიბებაზე
• არ გადახვიდეთ მასობრივ წარმოებაზე ბაზრის სათანადო შესწავლის გარეშე
• ფეხი აუწყეთ ცვალებად სამყაროს.

თუ გსურთ მიიღოთ სწორი გადაწყვეტილებები მარკეტინგის განხრით და გაზარდოთ თქვენი კომპანიის ცნობადობა, მაშინ შემოგვიერთდით სემინარზე – 5 ნაბიჯი ეფექტური მარკეტინგული გეგმისკენ

The post მარკეტინგული მიოპია appeared first on BPN Georgia.

The post მარკეტინგული მიოპია appeared first on BPN Georgia.