მიუხედავად იმისა, რომ ნეთვორქინგი, ერთი შეხედვით, მარტივი “ნაცნობობის” გაჩენის პროცესია, თანამედროვე ბიზნეს გარემოში ის ძალიან მნიშვნელოვანი სტრატეგიული ინსტრუმენტია. ის გულისხმობს სანდო, გრძელვადიანი პარტნიორული ურთიერთობების შექმნასა და გაღრმავებას, რაც თქვენს კომპანიას განვითარებასა და წინსვლაში დაეხმარება.

ნეთვორქინგი ბიზნესის განვითარების ნებისმიერ ეტაპზე თანაბრად მნიშვნელოვანია, როგორც მცირე, ისე საშუალო თუ მსხვილი ზომის კომპანიებისთვის, რადგან ის საშუალებას აძლევს მეწარმეებს დაამყარონ მნიშვნელოვანი კონტაქტები, აღმოაჩინონ ახალი ბიზნეს შესაძლებლობები და გაზარდონ კომპანიის ცნობადობა. ეფექტური ნეთვორქინგი ცოდნისა და გამოცდილებების გაზიარებასაც მნიშვნელოვნად უწყობს ხელს.

იმისთვის რომ ნეთვორქინგი წარმატებული გახდეს, ხშირად საჭიროა, რომ ჩვენი კომფორტი დავივიწყოთ, დავტოვოთ ეს ზონა. რაც გულისხმობს თუნდაც სიმორცხვის დაძლევას, კომპანიის სფეროს შესაბამის ღონისძიებებზე დასწრებას, პროფესიულ ჯგუფებში გაწევრიანებას, გარკვეულ ფინანსურ ინვესტიციებსაც და სხვა მცირე თუ მსხვილ დეტალს, რომლებიც მთლიანობაში მნიშვნელოვან როლს ასრულებს ჩვენი დასახული მიზნების მიღწევაში.

საინტერესოა, თუ გავითვალისწინებთ იმ ფაქტსაც, რომელსაც სტატისტიკაც ამყარებს, რომ ადამიანების უდიდესმა ნაწილმა ის შესაძლებლობები, რომლებიც შემდეგში მათი ბიზნესისთვის უმნიშვნელოვანესი აღმოჩნდა, სწორედ ნეთვორქინგის საშუალებით მიიღო. ხშირად ერთი შეხედვით უმნიშვნელო საუბარი შეიძლება იქცეს იმ შეხვედრად, რომელიც მომავალში განაპირობებს წარმატებულ პარტნიორობას, თანამშრომლობას ან სრულიად ახალი და მოულოდნელი ჰორიზონტების გახსნას.

როგორ გავაძლიეროთ ნეთვორქინგი?

გახდით „ხილვადი“ თქვენი ინდუსტრიის საკვანძო სივრცეებში

დაესწარით ბიზნეს ღონისძიებებს, ტრენინგებს და შეხვედრებს. რაც უფრო მეტგან გამოჩნდებით, მით მეტი შანსია, რომ სწორ ადამიანებს შეხვდეთ. იყავით იქ, სადაც თქვენი არსებული ან პოტენციური კლიენტები ან პარტნიორები არიან.

 მოამზადეთ ეფექტური „Elevator Pitch“

შექმენით მაქსიმუმ 30-წამიანი, მკაფიო და დამაინტრიგებელი პრეზენტაცია საკუთარი თავისა და ბიზნესის ღირებულების შესახებ, რომელმაც შემდეგ კითხვებს უპასუხებს: ვინ ხართ? რა უნიკალურ პრობლემას უგვარებთ მომხმარებელს? რა სახის თანამშრომლობა გაინტერესებთ?

 პრიორიტეტი მიანიჭეთ აქტიურ მოსმენას

ნეთვორქინგი დიალოგია და არა მონოლოგი. ყურადღებით მოუსმინეთ თანამოსაუბრეს. ეს საშუალებას მოგცემთ უკეთ გაიაზროთ მისი რეალური საჭიროებები, გამოწვევები და ინტერესები, რამაც შეიძლება ნაცნობობა რეალურ და ღირებულ კავშირად გადააქციოს.

არ დაგავიწყდეთ  Follow-up პროცესი

შეხვედრის დასრულებისთანავე, მაქსიმუმ 24 საათის განმავლობაში, გაუგზავნეთ თანამოსაუბრეს მოკლე შეტყობინება. ეს უნდა იყოს მადლობა, შეხვედრის მცირე მიმოხილვა და კონკრეტული წინადადება სამომავლო თანამშრომლობის შესახებ. Follow-up არის გადამწყვეტი ნაბიჯი, რომელიც შეძენილ კონტაქტს პროფესიულ ურთიერთობად გარდაქმნის.

იყავით პირველი, ვინც სარგებელს შესთავაზებთ

ნეთვორქინგი ორმხრივი სარგებლის გაცვლაა. ხანდახან, მეორე მხარისთვის პატარა პრობლემის უანგარო გადაწყვეტა ან რჩევის მიცემა ნდობასა და გრძელვადიანი კოლაბორაციების შესაძლებლობებსაც ქმნის.

მეწარმეებისთვის, ვინც მზად არიან ახალი კავშირებისა თუ შესაძლებლობების აღმოჩენისათვის, BPN Georgia საუკეთესო დასაწყისია. ორგანიზაცია სემინარებთან/ქოუჩინგთან და სხვადასხვა ბიზნესის მხარდამჭერ სერვისთან ერთად, სწორედ ნეთვორქინგის განვითარებას ემსახურება. სახელწოდება – Business Professionals Network- ქართულად ბიზნეს პროფესიონალთა ქსელს ნიშნავს და მისი არსიც სწორედ ქსელური კავშირების (Networking) ჩამოყალიბებასა და გაძლიერებას ემსახურება. BPN Georgia ქმნის გარემოს, სადაც მეწარმეები ხვდებიან და დაუზარელად უზიარებენ გამოცდილებას ერთმანეთს, აყალიბებენ სანდო, გრძელვადიან ურთიერთობებს, რაც რეალურად უწყობს ხელს ბიზნესის მდგრად განვითარებას.

საბოლოო ჯამში, მეწარმეებისთვის ნეთვორქინგი არა მხოლოდ პროფესიულად სტრატეგიული ინსტრუმენტი, არამედ მათი წარმატების გასაღებიცაა, რომელიც მათ ეხმარება, იყვნენ უფრო გახსნილები, შეხვდნენ და შეამჩნიონ სწორი ადამიანები და კომპანიები, დაინტერესდნენ მათი ისტორიებით და მიიღონ ის ცოდნა და გამოცდილება, რომელიც მათ ბიზნესს განვითარების ახალ ეტაპზე გადაიყვანს.

წარმატებებს გისურვებთ ახალი კავშირების დამყარებასა და არსებულის გაძლიერებაში!

სიყვარულით,

BPN Georgia

The post ნეთვორქინგის ძალა – კავშირები, რომლებიც ოცნებების ახდენაში გვეხმარება appeared first on BPN Georgia.

The post ნეთვორქინგის ძალა – კავშირები, რომლებიც ოცნებების ახდენაში გვეხმარება appeared first on BPN Georgia.

ვორქშოპს შვეიცარიელი ტრენერი და ბიზნეს კონსულტანტი დანიელ მათერი უძღვებოდა, რომელმაც საკუთარ მრავალწლიან გამოცდილებაზე დაყრდნობით, მონაწილეებს  პრაქტიკული  და თეორიული რჩევები გაუზიარა. მისი დახმარებით, მონაწილეებმა შეძლეს გაეგოთ, თუ როგორ მართონ საკუთარი მოტივაცია და გააძლიერონ ლიდერის როლი ორგანიზაციაში.

ორდღიან ვორქშოპზე მონაწილეებმა შეისწავლეს, როგორ გააძლიერონ თვითმოტივაცია და გაიუმჯობესონ ლიდერული უნარები. ასევე გაეცნენ გუნდური მოტივაციის ჩამოყალიბების მექანიზმებს და ისწავლეს, როგორ აირიდონ თავიდან დემოტივაციის გამომწვევი ფაქტორები.

ვორქშოპზე დანიელ მათერმა ასევე განიხილა უახლესი კვლევები და გრძელვადიანი სამოტივაციო სტრატეგიები, რომლებიც კომპანიებს  თანამშრომელთა ჩართულობისა და პროდუქტიულობის გაზრდაში ეხმარება.

დიდი მადლობა საქართველოს ბანკს პარტნიორობისთვის და მხარდაჭერისთვის!

The post BPN Georgia-ს და საქართველოს ბანკის ერთობლივი ვორქშოპი  – “თვითმოტივაცია და თანამშრომელთა მოტივაცია” appeared first on BPN Georgia.

The post BPN Georgia-ს და საქართველოს ბანკის ერთობლივი ვორქშოპი  – “თვითმოტივაცია და თანამშრომელთა მოტივაცია” appeared first on BPN Georgia.

როგორც ცხოვრებაში ისე ბიზნესშიც,  სიმამაცეს ოქროს ფასი აქვს, ამიტომაც არსებობენ ერთ მხარეს გაბედული და წარმატებული ადამიანები და მეორე მხარეს ადამიანები მხოლოდ ოცნებებით ხელში…

მეწარმეობაც სწორედ გამბედაობით იწყება – უნდა გარისკო შენი  იდეის რეალობად ქცევა,  პასუხისმგებლობა უნდა აიღო და დაბრკოლებებს არ შეუშინდე..

ნამდვილი მეწარმე მხოლოდ ფინანსურ მოგებაზე არ ფიქრობს, არამედ ცდილობს, საზოგადოებისათვის რაიმე ღირებული შექმნას, რომ არსებული რეალობა ცოტათი მაინც გააუმჯობესოს. მეწარმეობა ნიშნავს მუდმივ სწრაფვას უკეთესობისკენ, რაც მოითხოვს არა მხოლოდ ინტელექტს, არამედ ემოციურ სიმტკიცესა და საკუთარი იდეების ურყევ რწმენასაც. მეწარმეობა თავგადასავლებით სავსე მოგზაურობაა, სადაც თითოეული ნაბიჯი, თუნდაც ძალიან პატარა, დიდ ცვლილებას იწვევს.

მეწარმეობა სხვა მრავალ ღირებულებასთან ერთად – კავშირსა და შესაძლებლობებზე არის აგებული. როცა ხარ მეწარმე, გეძლევა შანსი, დაუკავშირდე სხვადასხვა სფეროში მომუშავე ადამიანებს, რომლებიც ბევრ რაიმეს გასწავლიან, თავის გამოცდილებასაც გაგიზიარებენ და გაჭირვების დროს დახმარების ხელს გამოგიწვდიან..

 თანამედროვე სამყაროში ყველაფერი სწრაფად იცვლება. მეწარმემ  კი ამ ცვლილებებს ფეხი უნდა აუწყოს. მუდმივად ისწავლოს, თვალყური ადევნოს ტენდენციებსა თუ ტრენდებს.  მთავარია, ჰქონდეს ნათელი იდეა და შეძლოს მისი განხორციელება. მეწარმეობა არის უნარი, დაინახო რაიმეს ღირებულება იქ, სადაც სხვები ვერაფერს ხედავენ.

წარმატებული მეწარმეობა მრავალი ფაქტორის ერთობლიობაა, თუმცა არსებობს რამდენიმე ძირითადი უნარი, რომელიც კრიტიკულად მნიშვნელოვანია ნებისმიერი ბიზნესის დასაწყებად და განსავითარებლად.

წარმოგიდგენთ 5 უნარს, რომელიც კარგ მეწარმეს აუცილებლად უნდა ჰქონდეს:

1. ხედვა და ინოვაციურობა

კარგ მეწარმეს უნდა ჰქონდეს ნათელი ხედვა იმის შესახებ, თუ სად და როგორ სურს საკუთარი ბიზნესის განვითარება. ეს ნიშნავს არა მხოლოდ ახალი ტენდენციების ფეხის აწყობას, არამედ მომავლის დანახვის უნარსაც. ინოვაციურობა კი მეწარმეს აძლევს შანსს შექმნას ახალი პროდუქტი ან სერვისი, თუნდაც გააუმჯობესოს უკვე არსებული, რათა მსგავსს ბიზნესებს ბაზარზე კონკურენცია გაუწიოს.

   2. რისკის მართვის უნარი

მეწარმეობა თავისთავად დაკავშირებულია რისკთან.  წარმატებული მეწარმე არ უშინდება რისკებს,  არამედ ცდილობს პოტენციური რისკების იდენტიფიცირებას, მათ შეფასებას და შემდგომში შესაბამისი სტრატეგიების შემუშავებას, რომ თავიდან აიცილოს ნებისმიერი სახის გართულება.  რისკის გონივრული მართვა მეწარმეს საშუალებას აძლევს, გათვლილი ნაბიჯები გადადგას და აირიდოს არასაჭირო დანაკარგები.

   3. ადაპტირება და მოქნილობა

ბიზნეს გარემო მუდმივად ცვალებადია. მხოლოდ წარმატებულ მეწარმეს  შეუძლია სწრაფად მოერგოს ახალ პირობებს, ტექნოლოგიურ ცვლილებებს ან მომხმარებლის მოთხოვნებს. მოქნილობა კი –  კრიზისულ სიტუაციებსა და მოულოდნელი დაბრკოლებების წინაშე ბრძოლაში დიდ როლს თამაშობს. ეს უნარი ეხმარება ბიზნესს განვითარებასა და გაფართოებაში.

  4. კომუნიკაცია და ლიდერობა

კომუნიკაციის უნარი უმნიშვნელოვანესია როგორც თანამშრომლებთან, ისე პარტნიორებთან, ინვესტორებთან და მომხმარებლებთან. კარგი კომუნიკატორი მკაფიოდ გამოხატავს საკუთარ იდეებს, უსმენს სხვებს და ეფექტურად წარმართავს მოლაპარაკებებს. ლიდერობის უნარი კი გულისხმობს გუნდის მოტივირებას, მიზნებთან დაახლოებასა და პოზიტიური სამუშაო გარემოს შექმნას. ლიდერი არა მხოლოდ ხელმძღვანელობს, არამედ  თავისი ქცევებითა და უნარებით ხშირად სხვებისთვის ინსპირაციის წყაროც ხდება.

  5. ფინანსური ცოდნა და დაგეგმვა

იმისათვის, რომ ბიზნესი იყოს მდგრადი და წარმატებული, აუცილებელია შესაბამისი ფინანსური ცოდნა და დაგეგმვა. მეწარმეს აუცილებლად  უნდა ესმოდეს საბაზისო ფინანსები – შემოსავლები, ხარჯები, მოგება და ზარალი, ასევე უნდა  შეეძლოს ბიუჯეტის შედგენა და ფინანსური ანალიზი. დაგეგმვა კი მოიცავს როგორც მოკლევადიანი, ისე გრძელვადიანი მიზნების დასახვასა და მათი მიღწევის სტრატეგიების შემუშავებას. ფინანსურად გააზრებული დაგეგმვა ბიზნესს სტაბილურობას სძენს.

საბოლოოდ, მეწარმეობა, გაცილებით მეტია, ვიდრე უბრალოდ ბიზნესის წამოწყება და ფინანსური მოგების მიღება. ეს არის გაბედული ნაბიჯი უცნობი გზისკენ, მუდმივი სწრაფვა უკეთესობისკენ და რაიმე ღირებულისა და მნიშვნელოვანის  შექმნის სურვილი…

ეს არის  თავგადასავალი, სადაც თითოეული გამოწვევა თუ შანსი, ახალი შესაძლებლობაა ზრდა-განვითარებისთვის, ხოლო თითოეული  თუნდაც ძალიან  პატარა წარმატება – იმის დასტურია, რომ ხედვასა და გამბედაობას  ნებისმიერი რეალობის შეცვლა შეუძლია…

       ჩვენი  მთავარი დევიზი კი უცვლელია – მთავარია არ დანებდე, არ შეეუშინდე გამოწვევებს, უბრალოდ დაიწყე….

The post რას ნიშნავს მეწარმეობა შენთვის? appeared first on BPN Georgia.

The post რას ნიშნავს მეწარმეობა შენთვის? appeared first on BPN Georgia.

ჩვენს სტატიაში გაეცნობით მეილის  წერის ეტიკეტის ისეთ ნორმებს , რომლებიც თქვენს პროფესიონალურ ცხოვრებაში აუცილებლად გამოგადგებათ.

წარმატებული და ეფექტური კომუნიკაციისთვის აუცილებელია ვიცოდეთ, როგორ მივმართოთ ადრესატს, როგორ შევარჩიოთ სიტყვები სწორად  და როგორ დავწეროთ მეილის ტექსტი ისე, რომ მან წაკითხვისას ადრესატის დაბნეულობა არ გამოიწვიოს.

ბიზნეს სამყაროში ელ-ფოსტით კომუნიკაცია, როგორც წესი, პირდაპირი და პროფესიულია. როცა ადრესატთან  (არ აქვს მნიშვნელობა, იქნება ეს პოტენციური კლიენტი  კოლეგა, თუ პარტნიორი) – თუ ურთიერთობა გაღრმავდება, შესაძლოა უფრო არაფორმალური ტონიც გამოვიყენოთ, თუმცა ჩვენ მაინც უნდა ვეცადოთ, რომ პროფესიონალიზმი ურთიერთობის ნებისმიერ დონეზე შევინარჩუნოთ.

საქმიანი მიმოწერა მოიცავს ყველა სახის წერილს, შენიშვნას, ოქმს, ინფორმაციას, ასევე ელექტრონულ ფოსტას და შეტყობინებებს(მაგ. სმს) და მისი მიზანი ყოველთვის  ზუსტი და ეფექტური კომუნიკაციაა.

აქვე მინდა ხაზი გავუსვა ერთი შეხედვით ბუნებრივ დეტალს, რომელიც სულ მუდმივად უნდა გახსოვდეთ, სამსახურის ელ-ფოსტა ორგანიზაციის საკუთრებაა – ისევე როგორც კომპანიის კომპიუტერები, ტელეფონები და საოფისე ტექნიკა. ყველაფერი, რასაც აგზავნით, იღებთ ან ინახავთ სამუშაო ელ-ფოსტის მეშვეობით, არ გეკუთვნით პირადად თქვენ!

ბიზნეს კორესპონდენცია წერილობითი კომუნიკაციის ერთ-ერთი ყველაზე გავრცელებული ფორმაა, რომელიც ორგანიზაციებსა და ადამიანებს შორის პროფესიული მიზნებისთვის გამოიყენება.

ბიზნეს კორესპოდენცია უნდა გამოვიყენოთ ისეთი ინფორმაციის გასაგზავნად, რომელიც არის:

რელევანტური: გამოიყენეთ ელ-ფოსტა, მაშინ როდესაც მხოლოდ სწრაფი ზარი ან პირისპირ საუბარი საკმარისი არ არის.

დროული: როდესაც დროში ვართ შეზღუდული,  ან პასუხი მალევე გვჭირდება, მეილი ამისათვის საუკეთესო საშუალებაა, ის შანსს გაძლევთ მიმღებს სწრაფად გაუზიაროთ შესაბამისი ინფორმაცია.

პროფესიული მეილი განსხვავდება იმ უბრალო შეტყობინებისგან, რომელსაც მეგობარს უგზავნით, შესაბამისად ის უნდა იყოს:

• გამართული
• ზრდილობიანი
• ყურადღებიანი
• პასუხისმგებლიანი
• მომავლის ხედვაზე ორიენტირებული

გიზიარებთ რამოდენიმე რჩევას  მეილის სწორად წერისთვის

1. მოკლე და მიზანმიმართული სათაური (Subject)

სათაური  აუცილებლად უნდა იყოს ზუსტი, მოკლე და მიზანზე ორიენტირებული, რომ ადრესატმა  წაკითხვისთანავე გაიგოს, რის შესახებ წერთ. მაგალითად, თუ ჩვენ გვსურს ევროპაში ჩვენი პროდუქტის გატანა, არ ღირს ისეთი სათაურის გამოყენება, როგორიცაა „მოგესალმებით“ ან „წერილი თანამშრომლობისთვის” უკეთესია: „თანამშრომლობის შეთავაზება – ჩვენი პროდუქტი ევროპაში“.

2. პატივისცემით მიმართვა

აუცილებლად გამოიყენეთ ადრესატის სახელი და გვარი, ოფიციალურ წერილში უპირატესობა მიანიჭეთ  ფორმალურ მიმართვას: „ძვირფასო ბატონო/ქალბატონო…“. მაგალითად: ” მოგესალმებით, ბატონო ნიკოლოზ,

გიკავშირდებით თქვენთან შესაძლო თანამშრომლობის თაობაზე….”

3. სწორად დაწერილი შესავალი

ადრესატი პირველივე წინანდადებიდანვე უნდა მიხვდეს წერილის მიზანს -ეს უნდა იყოს სწრაფი და მოკლედ უნდა ხსნიდეს, თუ რის შესახებ გაქვთ მეილით კომუნიკაცია. მაგალითად: „ თუ მოგწონთ ჩვენი ახალი  პროდუქცია, მსურს განვიხილოთ თქვენს კომპანიასთან თანამშრომლობის შესაძლებლობა“.

4. წერილის ძირითადი ნაწილი — ლაკონური და გასაგები

ძალიან მნიშვნელოვანია, რომ მეილი იყოს ზუსტი, მკაფიო და შედეგზე ორიენტირებული. განსაზღვრეთ, რა არის ის  მთავარი თემა,  რაზეც გინდათ რომ ადრესატმა ინფორმაცია მიიღოს. მაგალითად: „ჩვენი კომპანია უკვე 5 წელია რაც აწარმოებს ეკოლოგიურ პროდუქტებს, რომელმაც უკვე მოიპოვა პოპულარობა ადგილობრივ ბაზარზე.“

5. მოქმედებაზე მოწოდება (Call to action)

მოუთითეთ მკაფიოდ, რა მოქმედებას ელოდებით ადრესატისგან – შეხვედრის დაგეგმვას, პასუხის დაბრუნებას თუ სხვა. მაგალითად: „გვსურს დავგეგმოთ მოკლე ვიდეოზარი, რომ დეტალურად განვიხილოთ თანამშრომლობის შესაძლებლობები.“

6. მეგობრული, მაგრამ პროფესიონალური ტონი

მეილი უნდა იყოს მეგობრული და თბილი, მაგრამ ასევე მნიშვნელოვანია არ დავკარგოთ პროფესიონალიზმი.

7. მეილი უნდა იყოს სტილისტურად გამართული

გადამოწმეთ თქვენი ტექსტი გაგზავნამდე – თავიდან აიცილეთ გაუგებრობები და არასწორი შთაბეჭდილება.  სწორად დაწერილი ტექსტი თავისუფალია გრამატიკული, პუნქტუაციური, სტილისტური, ენობრივი და მართლწერის შეცდომებისგან.

8. მოკლე აბზაცები და ადვილად გასაგები ფორმატი

მეილი უნდა იყოს მოკლე, პირდაპირი და მკაფიო.
არასპეციფიკური ან ბუნდოვანი ფორმულირებები იწვევს დაბნეულობას და გაუგებრობას, ამიტომ საჭიროა პირდაპირი ენის გამოყენება.

9. საკონტაქტო ინფორმაციის დამატება

მეილის ბოლოს აუცილებლად მიუთითეთ თქვენი ტელეფონი, ელ-ფოსტა და სხვა საჭირო ინფორმაცია. ადრესატს უნდა ჰქონდეს შესაძლებლობა, სურვილის შემთხვევაში, მარტივად დაგიკავშირდეთ.

დასასრულს კი, აუცილებლად მიუთითეთ თქვენი სახელი, გვარი, პოზიცია და კომპანიის დასახელება. სურვილის შემთხვევაში დაამატეთ ლოგო და ტელეფონის ნომერი.
კარგად გამართული ხელმოწერა (ე.წ. Signature) ასახავს თქვენს პროფესიონალიზმს და წერილს უფრო მეტად სანდო და ოფიციალურ სახეს სძენს.

10. უთხარით არა აბრევიატურებსა და სარკაზმს

ზოგიერთი აბრევიატურის ან ემოჯების არასწორი გამოყენება შესაძლოა გაურკვეველი იყოს ადრესატისთვის და ამან კი შეიძლება ადრესატის დაბნეულობაც გამოიწვიოს.

ასევე, სასურველია, რომ ელ-ფოსტაში სარკაზმი საერთოდ არ გამოვიყენოთ. წერილობით კომუნიკაციაში ტონის სწორად წაკითხვა ხშირად რთულია, და სარკაზმმა, რომელიც სიტყვიერ საუბარში შეიძლება შედარებით ბუნებრივად ჟღერდეს, მეილის წაკითხვისას ადრესატში, შესაძლოა გაუგებრობა ან დაძაბულობა გამოიწვიოს.

და ბოლოს, ელ-ფოსტა მხოლოდ წერილობითი კომუნიკაციის საშუალება არ არის – ის თქვენი პროფესიონალიზმის, სამუშაო სტანდარტებისა და დამოკიდებულების პირდაპირი ანარეკლია. როცა მეილს სიფრთხილითა და  დაფიქრებით  ვაგზავნით, შედეგი მხოლოდ  მხოლოდ დაბრუნებული პასუხი კი არა, არამედ ადრესატებს შორის გაჩენილი ნდობაა, რომელიც თავისთავად, პროფესიული ურთიერთობების მყარ საფუძველს ქმნის.

პატივისცემით,

BPN Georgia

BPN Georgia | Apakidze Street 5; Floor 4; Tiflis Business Centre | 0171 Tbilisi

www.bpngeorgia.ge

Facebook

LinkedIn

The post მეილის წერის ეტიკეტი: როგორ შევქმნათ სწორი შთაბეჭდილება ციფრულ სამყაროში appeared first on BPN Georgia.

The post მეილის წერის ეტიკეტი: როგორ შევქმნათ სწორი შთაბეჭდილება ციფრულ სამყაროში appeared first on BPN Georgia.

,,მუდმივი სწავლის პროცესი არის ის, რაც ქმნის ლიდერებსა და წარმატებულ ბიზნესმენებს.”
— უორენ ბაფეტი.

ბიზნეს სემინარებზე დასწრება-ერთ-ერთი ყველაზე ეფექტური გზაა, რომელიც მეწარმეს საშუალებას აძლევს, ახალი ცოდნა მიიღოს და დაეუფლოს ისეთ სტრატეგიებს, რომელიც შემდგომში მისი ბიზნესის განვითარებას ხელს შეუწყობს. სემინარები არა მხოლოდ ახალი ინფორმაციის მიღების შესაძლებლობას იძლევა, არამედ იგი ბიზნეს კავშირების დამყარების პროცესში ძალიან  მნიშვნელოვანია და ხშირად კომპანიის წარმატების გასაღებიც კი ხდება.

თანამედროვე სამყაროში მცირე ბიზნესის მართვა გამოწვევებთანაა დაკავშირებული. მეწარმეები ყოველდღიურად უნდა გაუმკლავდნენ ფინანსური მართვის, მარკეტინგის, ლიდერობისა და სხვა მნიშვნელოვან საკითხებს. კომპანიის წარმატება კი –  მუდმივ განვითარებასა და პროფესიონალიზმის ზრდასთან პირდაპირ კავშირშია, რადგან მხოლოდ ამ პროცესებში ჩართული ბიზნესი შეძლებს კონკურენცია გაუწიოს სხვა კომპანიებს და გახდეს უფრო წარმატებული.

არ აქვს მნიშვნელობა, მცირე ბიზნესს მართავთ თუ დიდ კომპანიას – განვითარებაში ინვესტიცია წარმატების აუცილებელი ნაწილია. უფრო მეტიც, მცირე და საშუალო ბიზნესისთვის ეს კიდევ უფრო გადამწყვეტია, რადგან მეწარმე ხშირად მრავალ როლს ითავსებს და საჭიროა, მუდმივად იგრძნოს ტენდენციები, მიიღოს ახალი ცოდნა და დარჩეს კონკურენტუნარიანი.

მაგალითად, Airbnb მუდმივად აძლევს თანამშრომლებს შესაძლებლობას, შეისწავლონ ახალი მიმართულებები, დაესწრონ ტრენინგებს და განავითარონ უნარები, რაც ინოვაციურ გადაწყვეტილებებს უწყობს ხელს. Patagonia კი არა მხოლოდ ეკოლოგიურად პასუხისმგებელი კომპანიაა, არამედ თანამშრომლების პროფესიულ ზრდასაც დიდ ყურადღებას აქცევს – მათთვის რეგულარულად ტარდება კურსები, სემინარები და პრაქტიკული ვორქშოფები.

    სემინარებსა და ტრენინგებზე დასწრება მეწარმეს ბიზნესის გრძელვადიან განვითარებაშიც ეხმარება. ბიზნეს სამყარო მუდმივად ცვალებადია, იცვლება მომხმარებელთა საჭიროებები, ტექნოლოგიები და ბაზრის მოთხოვნები. ამიტომ, მეწარმეებისთვის აუცილებელია უახლესი ტენდენციებისა და ინოვაციების კარგად შესწავლა. სემინარებზე მიღებული ინფორმაცია კი მათ ეხმარება არა მხოლოდ არსებული გამოწვევების გადაჭრაში, არამედ ახალი შესაძლებლობების აღმოჩენაშიც.

მეწარმეობა მუდმივი განვითარებაა – ბიზნესის წარმატება პირდაპირ არის დაკავშირებული როგორც დამფუძნებლის, ისე გუნდის უწყვეტ ზრდასთან. ძლიერი სტრატეგიები იქმნება მაშინ, როცა მეწარმე თვითონაც ისწრაფვის ცოდნის გაღრმავებისკენ და პარალელურად ინვესტიციას დებს თანამშრომლების კომპეტენციის ამაღლებაში. რაც უფრო მეტად ვუწყობთ ხელს გუნდის პროფესიულ განვითარებას და სწორად ვაანალიზებთ მათ ძლიერ მხარეებს, მით უფრო ეფექტიანად შეძლებენ ისინი კომპანიის მიზნების განხორციელებას. თანამშრომლებში ჩადებული ინვესტიცია კომპანიის ზრდის პირდაპირპროპორციულია, რადგან ძლიერი გუნდი ქმნის ძლიერ ბიზნესს.

გარდა ამისა, სემინარებზე მეწარმეები ხშირად ხვდებიან მსგავსად მოაზროვნე ადამიანებს, პოტენციურ პარტნიორებსა თუ მენტორებს. ასეთი შეხვედრები ხელს უწყობს გამოცდილების გაზიარებას, ახალი თანამშრომლობის ჩამოყალიბებას და ბიზნეს-პარტნიორობის განვითარებას, რაც საბოლოოდ, კომპანიის წარმატებაზე დადებითად აისახება.

რჩევები,რომლებიც შეიძლება გამოგადგეთ:

•  შეისწავლეთ თქვენი გუნდის საჭიროებები – გაიგეთ, რა უნარების განვითარება მოუტანს მათ და თქვენს ბიზნესს ყველაზე დიდ სარგებელს.
•  დაგეგმეთ კორპორატიული ტრენინგები – ცოდნაში ინვესტიცია შრომის ეფექტურობის და კომპანიის შემოსავლის ზრდას განაპირობებს.
• ისწავლეთ მუდმივად – როგორც ლიდერმა, თქვენი განვითარება გავლენას ახდენს მთლიან ბიზნესზე.

გსურთ, გაიღრმავოთ ცოდნა, გაიცნოთ ახალი პარტნიორები და მიიღოთ სტრატეგიული რჩევები?
შემოგვიერთდით ჩვენს სემინარებზე და მიიღეთ პრაქტიკული ცოდნა, რომელიც თქვენს ბიზნესს ახალ დონეზე აიყვანს!

    BPN Georgia მეწარმეებს მრავალფეროვან  სემინარებს სთავაზობს,  ისეთ თემებზე როგორიცაა მაგ.- თანამშრომელთა მოტივირება, სოციალური მედია მარკეტინგი,ბიზნესის ადმინისტრირება, დროის მენეჯმენტი, ფინანსური მენეჯმენტი, ადამიანური რესურსების მართვა და ა.შ.

სემინარებს შვეიცარიიდან მოწვეული ექსპერტები უძღვებიან, რომლებიც თავიანთ ცოდნასა და პრაქტიკულ გამოცდილებას უზიარებენ ადგილობრივ მცირე და საშუალო ბიზნესის წარმომადგენლებს. სემინარები ხშირად მოიცავს პრაქტიკულ სავარჯიშოებს, წარმატებული ბიზნესების შემთხვევების ანალიზებსა და რეალურ მაგალითებს, რაც მეწარმეებს ეხმარება მიღებული ცოდნის პრაქტიკაში გამოყენებაში. ასევე სემინარები ხშირად მიზნად ისახავს გუნდური მუშაობისა და თანამშრომლობის გაძლიერების პროცესებს. ჯგუფური აქტივობები და პროცესებში ჩართულობა  კი – ხელს უწყობს ბიზნეს ურთიერთობების განმტკიცებასა და კომუნიკაციის გაუმჯობესებას.

მცირე თუ საშუალო ბიზნესების წარმატების მიღწევა ბევრ ფაქტორზეა დამოკიდებული, თუმცა ერთ-ერთი უმნიშვნელოვანესი კომპონენტები – ცოდნა და სწორი ბიზნეს სტრატეგიებია. სწორედ ამიტომ, სემინარებში ინვესტირება მეწარმეებისთვის არა მხოლოდ დამატებითი ცოდნის შეძენის, არამედ გრძელვადიანი წარმატების უზრუნველყოფის საუკეთესო გზაა.

The post ტრენინგების როლი მეწარმეობაში appeared first on BPN Georgia.

The post ტრენინგების როლი მეწარმეობაში appeared first on BPN Georgia.

The post ნია დვალი appeared first on BPN Georgia.