Skip to content 
ბიზნეს სამყაროში კონფლიქტური სიტუაციები ხშირად გარდაუვალია – იქნება ეს თანამშრომლებს შორის გაუგებრობა, კლიენტის უკმაყოფილება თუ რთული მოლაპარაკება. თუმცა სწორედ ასეთ მომენტებში ვლინდება ლიდერისა და ორგანიზაციის რეალური ძალა.
როგორც ბილ გეიტსი ამბობს: „თქვენი ყველაზე უკმაყოფილო მომხმარებლები საუკეთესო წყაროა სწავლისთვის.“
ეს ფრაზა გვახსენებს, რომ დაძაბულობის მიღმა განვითარების შესაძლებლობები იმალება. კონფლიქტი საფრთხე კი არა, სარკეა, რომელიც გვაჩვენებს, რა შეგვიძლია გავაუმჯობესოთ და როგორ გადავაქციოთ გამოწვევა წარმატების წყაროდ.
ამ მნიშვნელოვან თემას ეხებოდა BPN Georgia-ს მიერ ორგანიზებული ვებინარი ,,დეესკალაციის ტექნიკები მომხმარებლებთან კომუნიკაციის პრობლემატური შემთხვევებისთვის”, რომელსაც შვეიცარიელი კომუნიკაციების ექსპერტი კლაუდია გაბლერი უძღვებოდა.
კლაუდია პოზიტიური კომუნიკაციების ექსპერტია და მრავალ საერთაშორისო კომპანიას ეხმარება კომუნიკაციაების სწორად წარმართვაში, იქნება ეს ბიზნეს შეხვედრები, პირისპირ ურთიერთობები, ტელემარკეტინგი თუ სხვა.
ვებინარში განსაკუთრებული ყურადღება გამახვილდა იმაზე, თუ როგორ შეიძლება:
- გაღიზიანებულ მომხმარებელთან დაძაბული საუბრის სწორად წარმართვა;
- რთული სიტუაციების თანამშრომლობის შესაძლებლობად გარდაქმნა;
- რთულ მომხმარებელთან ემოციების მართვა და ნდობის შენარჩუნება.
ვებინარი გამოირჩეოდა სიღრმით, რჩევებითა და ინსპირაციული მაგალითებით, რომლებიც საერთაშორისო პრაქტიკას ეყრდნობოდა.
ყველაზე რთული დიალოგი შეიძლება გახდეს თქვენი კომპანიის ზრდის ახალი წყარო. საკმარისია სწორი კომუნიკაცია და სწორი მიდგომა, რადგან უკმაყოფილო მომხმარებლის არსებობა დაბრკოლება კი არა, არამედ შესაძლებლობაა.
