Skip to content 
2020 წელმა დიდი გამოწვევების წინაშე დაგვაყენა. ბევრი რამ სხვაგვარად გადაფასდა. ცხოვრების ბევრ სფეროს არსებობის საფრთხე შეექმნა, ბევრ მიმართულებაში კი ახალი შანსები და შესაძლებლობები გამოიკვეთა. გამოვლინდა ახალი საზოგადოებრივი ტენდენციები, რაც მანამდე წარმოუდგენლად გვეჩვენებოდა და რაც მოკლე დროში ჩვენს ყოველდღიურ ყოფად იქცა.
ახალ რეალობასთან სწრაფი ადაპტაცია მოუწია BPN Georgia-საც. საყოველთაო აკრძალვების ფონზე შეუძლებელი გახდა კომპანიის ჩვეული საქმიანობის გაგრძელება და სემინარების და ინდივიდუალური შეხვედრების ორგანიზება. BPN Georgia-ს პანდემიის პირველივე ეტაპზე მოუწია სწრაფი გამოსავლის პოვნა. შეიქმნა ბევრი საინტერესო ვებინარი ბიზნესისთვის რელევანტურ და მოცემულ მდგომარეობაში აქტუალურ თემებზე. გადამუშავდა არსებული პროგრამა, შეიქმნა ახალი სემინარები და ჩვენი შეთავაზებები სრულიად მოერგო ონლაინ ფორმატს. პირველი სადემონსტრაციო ონლაინ სემინარის წარმატების და დადებითი რეზონანსის შემდეგ ეს ფორმატი სამომავლოდაც დაინერგა ჩვენს საქმიანობაში და შესაბამისად BPN Georgia უფრო მრავალფეროვანი და როგორც ძველ, ისე ახალ მოცემულობებზე მორგებული პროგრამით წარსდგა ერთგული მომხმარებლის წინაშე. დიდი წარმატებით მიმდინარეობს ონლაინ კონსულტაციებიც. აქამდე თუ შორი მანძილის მიზეზით ბევრი დაინტერესებული საწარმო თუ პირი ვერ ახერხებდა ჩვენი მომსახურებით სარგებლობას, ახლა შესაძლებელი გახდა მათთან დისტანციური კონტაქტი ონლაინ არხების მეშვეობით.
BPN Georgia-მ არა მხოლოდ დიგიტალური შესაძლებლობები გამოიყენა თავის სასარგებლოდ, კომპანიამ ასევე მოახერხა სრულიად უსაფრთხო სასემინარო და საკონსულტაციო გარემოს შექმნა ვიზიტორებისთვის. გაიზარდა აქტივობების ინტენსივობა და ხელოვნურად შემცირდა დამსწრე მონაწილეთა რაოდენობა მათივე უსაფრთხოებიდან გამომიდნარე. ორგანიზაცია ამჟამად უსაფრთხოების წესების სრული დაცვით მასპინძლობს სემინარის მონაწილეებს. აქტუალური რჩება ონლაინ შეთავაზებებიც, რაც ჩვენს მომხმარებელს მისთვის სასურველი არჩევანის გაკეთების შესაძლებლობას აძლევს.
