BPN Georgia ბორჯომში

BPN Georgia  მორიგი ვიზიტით ბორჯომს ეწვია. სემინარის მონაწილეთა შორის უმეტესად ტურიზმის სექტორი ჭარბობდა, რაც ბორჯომის ტურისტული პოტენცციალიდან გამომდინარე მოსალოდნელიც იყო, თუმცა სემინარმა დიდი დაინტერესება გამოიწვია ასევე სოფლის მეურნეობის და ხელნაკეთი ნივთების სექტორის წარმომადგენლებშიც.

საქართველოში მცირე ბიზნესის ხელშეწყობის მიზნით უამრავი ადგილობრივი თუ საერთაშორისო პროექტი მიმდინარეობს. გაზრდილია გრანტებზე ხელმისაწვდომობაც. ასეთ პირობებში დიდი მნიშვნელობა ენიჭება ბიზნესის განვითარების მსურველთა მხრიდან გამართული ბიზნეს გეგმის შედგენას. BPN Georgia-ს ვიზიტიც ბორჯომში სწორედ ამ მიზას ემსახურებოდა, ესწავლებინა დამსწრე პირებისთვის ბიზნეს გეგმის და ფინანსური გეგმის შედგენის მთავარი პრინციპები. BPN Georgia იმედს იტოვებს, რომ სემინარის მონაწილეები ეფექტურად გამოიყენებენ მიღებულ ცოდნას. წარმატებები მათ!