რაში შეიძლება დაგვეხმაროს Facebook Support-ი

თუ ფლობთ ბიზნესს და თავად გიწევთ სოციალური ქსელების მართვა, ან თუ პროფესიიდან გამომდინარე მუშაობთ ამ მიმართულებით, მართავთ გვერდებს, უშვებთ რეკლამებს და იღებთ და ამუშავებთ ანალიტიკურ მონაცემებს, მაშინ ერთხელ მაინც დაგჭირდებათ Facebook support-ის მხარდაჭერა. საკუთარი გამოცდილებიდან გამომდინარე, გაგიზიარებთ ინფორმაციას, თუ რა პრობლემური საკითხების მოგვარება შეუძლია Facebook-ის მხარდაჭერის გუნდს და როგორ უნდა დავუკავშირდეთ მათ.

ილუსტრაციის საშუალებით გიჩვენებთ თითოეულ ნაბიჯს, რისი გავლაც დაგჭირდებათ Facebook support-თან დასაკავშირებლად.

კომუნიკაციის დასაწყებად არსებობს ორი გზა. სტატიაში განხილული იქნება ორივე მათგანი.

1. გახსენით ბიზნეს გვერდი და მონიშნეთ შემდეგი მონაცემები.

მას შემდეგ, რაც მონიშნავთ მხარდამჭერ ჯგუფთან კომუნიკაციას, გამოგიჩნდებათ შემდეგი გრაფა, სადაც მოკლედ აღწერთ აქტუალური პრობლემის დეტალებს.

მოცემული ველის შევსების შემდეგ Facebook მესენჯერის პირად ჩატში შემოვა Facebook support-ის წარმომადგენელი, რომელიც დაგეხმარებათ პრობლემის მოგვარებაში. გაითვალისწინეთ, რომ საკითხიდან გამომდინარე დაგჭირდებათ თქვენი ბიზნეს მენეჯერის ID, ან სარეკლამო ანგარიშის ID, ან გვერდის ID, რომელიც უნდა გაუზიაროთ  Facebook support-ს.

2. ახლა კი გიჩვენებთ Facebook support-თან დაკავშირების მეორე გზას. გუგლის საძიებო ველში ჩაწერეთ contact Facebook support და მონიშნეთ Help centre.

მომდევნო გვერდზე გადასვლის შედეგ მონიშნეთ visit business help centre.

მონიშნეთ ფოტოზე ხაზგასმული მონაცემები.

სადაც ანალოგიურად გაუწერთ ინფორმციას მიმდინარე პრობლემასთან დაკავშირებით.

ახლა კი გამოვყოფ რამოდენიმე თემას, რომლის მოგვარებაშიც Facebook Support-ი სწრაფად და ეფექტურად მოგეხმარებათ:

1. 1. ტექნიკური ხარვეზი: თუ ფიქსირდება რაიმე ხარვეზი თქვენს გვერდზე, რეკლამებში ან ანგარიშის პარამეტრებში (მაგალითად, ანგარიშზე შესვლისას იქმნება პრობლემა, რეკლამების შედეგები არასრულად იტვირთება).
   2. რეკლამირების პრობლემები: თუ Facebook-ის რეკლამების მართვისას გადააწყდებით პრობლემებს, როგორიცაა მაგ. არასწორად დამტკიცებული რეკლამა, თანხის გადახდისას წარმოქმნილი სირთულეები, ან რეკლამის ოპტიმიზაციის რჩევები ხარვეზებით მუშაობს.
   3. ანგარიშის უსაფრთხოება: თუ თქვენი ანგარიში დაიკარგა, მოხდა ჰაკერული თავდასხმა, ფიქსირდება პრობლემა ანგარიშის გადამოწმებისას, ან ვერ ხერხდება პაროლის აღდგენა.
   4. პოლიტიკის დარღვევები და აპელაციები: თუ თქვენი ანგარიშის ან რეკლამის შინაარსი Facebook-მა აღიქვა, როგორც მისი პოლიტიკის დარღვევა, მაშინ მხარდაჭერის გუნდთან დაგჭირდებათ სიტუაციის განმარტება, მათ მიერ მოთხოვნილი ელ. საბუთების გადაგზავნა და გვერდის/რეკლამის განხილვაზე გატანა.
   5. ანალიტიკა და სტატისტიკა: თუ გაქვთ რაიმე პრობლემა ფეისბუქის ინსაიტებში ან დახმარება გჭირდებათ ტრეკინგთან დაკავშირებით, ფეისბუქის მხარდაჭერის გუნდი გირჩევთ, თუ როგორ გამოიყენოთ ანალიტიკური ინსტრუმენტები ეფექტურად.
   6. ბიზნეს გვერდის მართვა: თუ ფიქსირდება პრობლემა ფეისბუქის ბიზნეს გვერდის მართვისას ან ვერ ხორციელდება განახლება.
   7. ინტეგრაცია სხვა გვერდებთან: თუ ფეისბუქის გვერდს აინტეგრირებთ სხვა გვერდთან, როგორიცაა მაგალითად: Google Analytics, email მარკეტინგულის პლატფორმები, ან e-commerce საიტები, შესაძლოა დაგჭირდეთ Facebook support-ის ჩართულობა.

   თუ დაინტერესებული ხართ ზემოთ აღნიშნული თემით, შემოგვიერთდით სოციალური მედია მარკეტინგის ვებინარზე, სადაც კიდევ უფრო დეტალურად განვიხილავთ აქტუალურ თემებს და მოგაწვდით დამატებით ინფორმაციას.