როგორ ვიპოვოთ საკუთარი კონკურენტული უპირატესობა ბიზნესში და გავხდეთ გამორჩეული

მიზნები

კონკურენციას ბოლო არ უჩანს. თანამედროვე მომხმარებელი განსაკუთრებული პრეტენზიულობით გამოირჩევა და არ სურს შეიძინოს პროდუქტი ხელმოსაჭიდი მიზეზის გარეშე. მის თვალში ყველა მწარმოებელი ერთსა და იმავეს სთავაზობს, ამიტომ დამაჯერებელი კონკურენტული უპირატესობის (USP-Unique Selling Proposition), იგივე განმასხვავებელი ნიშნის იდენტიფიცირება კომპანიის უმნიშვნელოვანეს და ურთულეს ამოცანებს განეკუთვნება. 

სემინარზე პრაქტიკული მაგალითებით და წამყვანი ფირმების გამოცდილებების გაზიარებით გიჩვენებთ:

• როგორ არის შესაძლებელი საკუთარი კომპანიის კონკურენტული უპირატესობის ამოცნობა და ბაზარზე პოზიციონირება 
• როგორ უნდა დაარწმუნოთ მომხმარებელი თქვენი პროდუქტის სარგებელში. 100 კონკრეტული იდეისგან შემდგარი სია
• როგორ სტრატეგიებს მიმართავენ წამყვანი კომპანიები საკუთარი განმასხვავებელი ნიშნის განსაზღვრისთვის

შინაარსი

შესავალი

• რა არის კონკურენტული უპირატესობა
• როგორ შეუძლია კომპანიას ისარგებლოს კონკურენტული უპირატესობით

რას ეძებს თქვენი სამიზნე სეგმენტი

• როგორ დააკმაყოფილოთ ან გადააჭარბოთ სამიზნე სეგმენტის მოლოდინებს 
• როგორ დაინახოთ თქვენი ბიზნესი და პროდუქტები მომხმარებლის პერსპექტივიდან. როგორია იდეალური მომხმარებლის განსაზღვრება (Buyer Persona). როგორ შეასხათ ხორცი თქვენი მომხმარებლების სურვილებს განწყობის დაფის დახმარებით (Moodboard)
• Genchi Genbutsu - ს პრინციპი: როგორ შეიქმნათ შთაბეჭდილება თქვენი მომხმარებლების მოთხოვნილებებზე უშუალო დაკვირვებით (Toyota - ს წარმოების სისტემა, Lean მენეჯმენტი)
• როგორ გამოირჩეოდეთ ინდივიდუალური შეთავაზებით მასებისგან. გერმანული ონლაინ ბიო მაღაზიის Mymuesli - ს მაგალითი
• რა დამატებითი მომსახურებით შეგიძლიათ მომხმარებლის აღფრთოვანება 
• როგორ შექმნათ კონკურენტული უპირატესობა სასიამოვნო ემოციის თანხლებით. ბინების გაქირავების ონლაინ პლატფორმის Airbnb - ს მაგალითი
• ექსკლუზიური ნედლეული მასალა უკვე განმასხვავებელი ნიშანია. შვეიცარიელი ჩანთების მწარმოებელი კომპანიის Freitag -  ის მაგალითი
• მებაღეობიდან ურბანული დასვენების და სასიამოვნო განცდების ოაზისამდე. გარდენია შევარდნაძის მაგალითი
• ავტომობილისთვის ყველა სერვისის მიღება ერთ სივრცეში. თეგეტა მოტორსის მაგალითი

რაშია თქვენი კომპანია განსაკუთრებულად ძლიერი

• ფოკუსირება და ცხადი კონცენტრირება ძლიერ მხარეებზე. სამზარეულოს ავეჯის მწარმოებელი შვეიცარიული კომპანიის Zbären -  ის მაგალითი

• საკუთარი ძლიერი მხარეების იდენტიფიცირება მომხმარებელთა უკუკავშირის დახმარებით

• როგორ უნდა მოახერხოთ კონკურენტისგან გამიჯვნა, როცა ობიექტურად არ ფლობთ ძლიერ მხარეებს. ყველის მწარმოებელი შვეიცარიული კომპანიის Appenzeller - ის მაგალითი

• როგორ შეიძლება იქცეს ისტორიული, გეოგრაფიული და სოციალური კონტექსტი თქვენს ძლიერ მხარედ და განმასხვავებელ ნიშნად 

რაში გჯობნიან კონკურენტები

• თქვენი კომპანიისთვის რელევანტური კონკურენტების ამოცნობა ბაზრის სივრცობრივი და თვისობრივი გამიჯვნით

• პირდაპირი და ირიბი კონკურენციის იდენტიფიცირება

• მომხმარებლისთვის რელევანტური კონკურენტული ფაქტორების გამოკვეთა 

• კონკურენტთა ძლიერი და სუსტი მხარეების ანალიზი

ფორმა: სემინარს აქვს ინტერაქტიული სახე, გაჯერებულია დისკუსიებით და მრავალი ფოტო - ვიდეო მასალით
ხანგრძლივობა: 6 საათი

ღირებულება: 100 GEL (BPN Georgia - ს პროგრამის მონაწილეებისთვის მოქმედებს 40% - იანი ფასდაკლება. ერთი კომპანიიდან სამი და მეტი პირის დასწრების შემთხვევაში კი 20 % - იანი ფასდაკლება)
მონაწილეები: დასწრება შესაძლებელია ნებისმიერი მსურველისთვის