მეგი მაისურაძე 2016 წლიდან BPN Georgia – ში მცირე და საშუალო ბიზნესის განვითარების განყოფილებას უძღვებოდა. 2022 წლიდან BPN საქართველოს ფილიალის ხელმძღვანელია. მისი კარიერული პორტფოლიო მრავალწლიან გამოცდილებას ითვლის ტურიზმის, ზოგადი მენეჯმენტის, სტრატეგიული დაგეგმვის, კრიზისის მართვისა და საზოგადოებასთან ურთიერთობის მიმართულებით.

მეგი მაისურაძე პროფესიით გერმანისტიკის მაგისტრია, განათლება თბილისის სახელმწიფო უნივერსიტეტსა და ინსბრუკის უნივერსიტეტებში (ავსტრია) მიიღო. წარმატებით გაიარა ბიზნესის მენეჯმენტის (GIPA), მარკეტინგის (CU), პროექტის მართვის (Headvice Academy), ბუღალტრული აღრიცხვის (GFPAA), სასტუმროს მართვის, სტრატეგიული ბრენდინგის, ბიზნეს ქოუჩინგის სერთიფიცირებული სასწავლო კურსები. გავლილი აქვს ბიზნესისა და ფინანსების მართვის სხვა არაერთი სერთიფიცირებული პროგრამა.

კომპეტენციის არეალი

• ბიზნესის კონსულტაცია/ქოუჩინგი
• ზოგადი მენეჯმენტი
• ბიზნესის დაგეგმარება/ადმინისტრირება
• ფინანსების მართვა
• კრიზისების მართვა
• სასტუმრო ბიზნესის მართვა
• კლიენტთა მომსახურების მართვა

მეგი მაისურაძე აქტიურად არის ჩართული BPN Georgia – ს სტრატეგიული მართვის პროცესში, ამასთან ერთად უძღვება მცირე და საშუალო ბიზნესის წარმომადგენლებთან ინდივიდუალურ ქოუჩინგ სესიებს და სხვადასხვა ბიზნეს სემინარს. ასევე, აქტიურ მონაწილეობას ღებულობს პარტნიორ ორგანიზაციებთან მოლაპარაკებებსა და მომხმარებელთან ურთიერთობის პროცესში.

ანა აივაზიშვილი, რომელმაც განათლება მიიღო ბიზნესის ადმინისტრირების და მარკეტინგის მიმართულებით. ანა ასევე გახლავთ კომპანია “SiSters Wine” -ის თანადამფუძნებელი. ანა BPN Georgia-ს გუნდს 2017 წლიდან შემოუერთდა. ის 10 წლის განმავლობაში მოღვაწეობდა გაყიდვებისა და მარკეტინგის სფეროში. მისი საქმიანობის არეალი სხვადასხვა პოზიციებზე მოიცავდა ბაზრის კვლევას, ახალი პროდუქტის/სერვისის შეფუთვა-დამატებას, მოლაპარკების წარმოებას, სარეკლამო კომპანიებთან თანამშრომლობას, სარეკლამო კამპანიების დაგეგმარებას და სისრულეში მოყვანას. უშუალოდ ციფრული მედია მარკეტინგის კუთხით ანას 7 წლიანი გამოცდილება აქვს.  გარდა ამისა ის გახლავთ BPN Georgia-ს ტრენერი ციფრული მედია მარკეტინგის მიმართულებით. მისი სასემინარო პორტფოლიო შედგება სემინარებისგან: Facebook რეკლამები და სოციალურ მედია მარკეტინგი.

კომპეტენციის არეალი

• ბაზრის კვლევა
• ბრენდინგი
• პროდუქტის დანერგვა/განვითარება
• გაყიდვების მართვა
• მარკეტინგი
• ციფრული მედიის მართვა

აქტუალურად ანა მართავს BPN Georgia-ს სოციალურ მედიებს, გეგმავს და ახორციელებს სხვადასხვა ონლაინ აქტივობებს. ის ასევე აქტიურადაა ჩართული სოციალური მედიის მიმართულებით კონსულტაციების გაცემაში და საკუთარ გამოცდილებას უზიარებს დაინტერესებულ პირებს.

ელენე მარტყოფლიშვილი BPN Georgia-ს გუნდს 2022 წლიდან შემოუერთდა. ამ ჟამად ის ოპერაციების მხარდაჭერის ოფიცრის პოზიციას იკავებს და სხვადასხვა მიმართულებით ყოველდღიურ საოპერაციო საქმიანობაში აქტიურად არის ჩართული.
ელენეს ილიას სახელმწიფო უნივერსიტეტის ბაკალავრის ხარისხი აქვს ბიზნეს ადმინისტრირების მიმართულებით, ამჟამად კი  თბილისის სახელმწიფო უნივერსიტეტის  მაგისტრატურის სტუდენტია ორგანიზაციული განვითარებისა და კონსულტირების მიმართულებით.

ელენეს სამუშაო გამოცდილება მოიცავს გაყიდვებს საბანკო სექტორში, მომხმარებელთან ურთიერთობას, ციფრულ მარკეტინგს.

კომპეტენციის არეალი:

• გაყიდვები
• მომხმარებელთან ურთიერთობა
• ბიზნეს გეგმის დამუშავება
• ციფრული არხების მართვა

აქტუალურად ელენე ჩართულია BPN Georgia-ს პროგრამისთვის მეწარმეთა შესარჩევი პროცესის ეფექტურად განხორციელებაში,   სხვადასხვა ბიზნეს შეხვედრებისა და ღონისძიებების  ორგანიზებაში, ადმინისტრაციული საკითხების მოგვარებასა და სოციალური ქსელების მართვაში.

ნია დვალი BPN Georgia-ს გუნდს 2025 წელს შემოუერთდა.

ამჟამად იგი ბიზნეს აკადემიის კოორდინატორის პოზიციას იკავებს და პასუხისმგებელია სემინარების ორგანიზებაზე.

მან საბაკალავრო განათლება კავკასიის უნივერსიტეტში მიიღო ინგლისური ფილოლოგიისა  და თარგმნის თეორიის მიმართულებით.

ნიას სხვადასხვა საერთაშორისო ორგანიზაციაში მუშაობის გამოცილება აქვს.

კომპეტენციის არეალი:

• სასწავლო პროგრამებისა და ტრენინგების კოორდინაცია
• ღონისძიებებისა და ოფიციალური შეხვედრების ორგანიზება
• კომუნიკაცია ადგილობრივ და უცხოელ პარტნიორებთან
• თარგმნა და დოკუმენტების ადმინისტრირება

კრის ლანგენეგერი BPN Georgia-ს 2025 წლიდან შემოუერთდა დირექტორის პოზიციაზე. მისი კარიერული პორტფოლიო მრავალწლიან გამოცდილებას ითვლის საერთაშორისო ლიდერულ პოზიციებზე გაყიდვების, მომხმარებელთა მომსახურების, ფინანსებისა და ბიზნეს კონსულტაციების მიმართულებით.

კრისს ბაკალავრის ხარისხი ბიზნეს ადმინისტრირების მიმართულებით აქვს (შვეიცარიაში, სანტ-გალენის უნივერსიტეტი), ხოლო მაგისტრატურა საერთაშირისო მენეჯმენტის მიმართულებით (FIA Business School, სან-პაულო, ბრაზილია).

სამუშაო ენები: ინგლისური, გერმანული, ფრანგული, ესპანური, პორტუგალიური.

კომპეტენციის არელი:

• გაყიდვები
• ფინანსები
• მენეჯმენტი
• კლიენტთა მომსახურების მართვა
• ბიზნეს კონსულტაცია

კრის ლანგენეგერი აქტიურად მონაწილეობს BPN Georgia-ის სტრატეგიულ განვითარებაში, მართავს ადგილობრივ გუნდს, ახორციელებს ქართველ მეწარმეებთან ინდივიდუალურ კონსულტაციებსა და ქოუჩინგს, მონაწილეობს ტრენინგების ჩატარებაში, ასევე მუშაობს პარტნიორ ორგანიზაციებთან ურთიერთობის გაღრმავებაზე და სხვა მნიშვნელოვანი მიმართულებების გაძლიერებაზე.