ამ წლების მანძილზე დანიელმა 100-ზე მეტი სემინარი შესთავაზა ქართველ მსმენელს, არაერთი ბიზნესისთვის აქტუალური და საჭირო თემა დაამუშავა და  ადგილობრივი ბიზნესის წარმომადგენლებს სემინარებისა და ვებინარების ფორმატში  გაუზიარა პრაქტიკაზე ორიენტირებულ ცოდნა, რომლის დანერგვამ ბევრი ბიზნესის ყოველდღიურობა სასიკეთოდ შეცვალა.

თითოეული მეწარმე, რომელსაც ბატონ დანიელთან პირადი შეხება ჰქონია, ინდივიდუალური ქოუჩინგისა თუ კონსულტაციის, სემინარისათუ სხვა ფორმატის ფარგლებში, დაგვეთანხმება, რომ ბატონ დანიელს მათი მეწარმეობრივი ცხოვრების გზაზე და ზოგადად BPN Georgia-ს ისტორიაში, განსაკუთრებული როლი აქვს.

ბევრი მეწარმისთვის უმნიშვნელოვანესი და ხშირ შემთხვევაში გარდამტეხიც კი იყო ბატონ დანიელთან პირისპირ შეხვედრები, რომლის ფარგლებშიც მისთვის ჩვეული პროფესიონალიზმითა და გულისხმიერებით ისმენდა მათ გამოწვევებს და საკუთარ დიდ გამოცდილებაზე დაყრდნობით, სწორი კითხვების დასმით, რჩევებით,  ბევრისთვის გამხდარა სწორი გადაწყვეტილების, რაკურსის შეცვლის, წარმატებული ნაბიჯების ინსპირაცია.

ამ წლების მანძილზე ბატონი დანიელი ძალიან საპასუხისმგებლო საქმეს უძღვებოდა, იყო ბევრი მეწარმის და ამავდროულად საკუთარი გუნდისთვის მაგალითი და მოტივატორი და დაუზარებლად უზიარებდა მათ საკუთარ გამოცდილებას.

BPN Georgia-ს გუნდის სახელით დიდ მადლობას ვუხდით ბატონ დანიელ მათერს და უზარმაზარ წარმატებას ვუსურვებთ ახლა უკვე  BPN-ის ახალი ქვეყნის დირექტორის პოზიციაზე, სადაც მისთვის ჩვეული პასუხისმგებლობითა და სიყვარულით გაუზიარებს ადგილობრივ მეწარმეებს საკუთარ დიდ (ახლა უკვე ქართულ ) გამოცდილებას.

დანიელ, მადლობა და წარმატება მსოფლიოს ყველა კუთხეში!

The post მადლობა, დანიელ! appeared first on BPN Georgia.

The post მადლობა, დანიელ! appeared first on BPN Georgia.

რა შეიცავს შაბლონი?

ბიზნესგეგმის ეს შაბლონი, რომელიც რეალური სასტუმროს მაგალითზეა აგებული, ეტაპობრივად გატარებთ სტრატეგიული დაგეგმვის მნიშვნელოვან ელემენტებზე:

• თქვენი ბიზნესის გრძელვადიანი ხედვის განსაზღვრა
• უნიკალური გასაყიდი წინადადების (USP) იდენტიფიცირება
• პროფესიული გამოცდილებისა და წარსული მიღწევების დოკუმენტირება
• ძლიერი მხარეების, სუსტი მხარეების, შესაძლებლობებისა და საფრთხეების (SWOT) ანალიზი
• თქვენი ბიზნესის პოზიციონირება ძირითად კონკურენტებთან მიმართებაში
• საშუალოვადიანი ბიზნეს მიზნების დასახვა და რისკების მართვის სტრატეგიის შექმნა
• ფინანსური გეგმის შემუშავება

ბიზნეს გეგმის ნიმუში

საპროგნოზო მოგება ზარალის უწყისი ნიმუში

გსურთ ექსპერტის მხარდაჭერა თქვენი ბიზნეს სტრატეგიის ჩამოყალიბებასა და კომპანიისთვის მორგებული ბიზნეს გეგმის შექმნაში? დარეგისტრირდით დღესვე ჩვენს ბიზნეს გეგმის ვორქშოფზე და გადადგით შემდეგი ნაბიჯი წარმატებისკენ!

რეგისტრაცია – https://bpngeorgia.ge/courses/workshop-businessplan/

BPN Georgia – ერთად ძლიერი მეწარმეობისთვის საქართველოში!

The post პრაქტიკული ბიზნეს გეგმის ნიმუში – რეალური სასტუმროს მაგალითზე appeared first on BPN Georgia.

The post პრაქტიკული ბიზნეს გეგმის ნიმუში – რეალური სასტუმროს მაგალითზე appeared first on BPN Georgia.

დღევანდელ ციფრულ ეპოქაში სოციალური მედია გახდა ბიზნესის წარმატების ერთ–ერთი უმნიშვნელოვანესი ფაქტორი. ის არა მხოლოდ კომუნიკაციის საშუალებაა, არამედ ძლიერი მარკეტინგული ინსტრუმენტი, რომელიც კომპანიებს აძლევს შესაძლებლობას მიაღწიონ უპრეცედენტო ზრდასა და განვითარებას. 

სოციალური მედიის პლატფორმები, როგორიცაა Facebook, Instagram, LinkedIn და Twitter, საშუალებას აძლევს ბიზნესებს პირდაპირი კავშირი დაამყარონ თავიანთ მომხმარებლებთან. ეს არ არის მხოლოდ პროდუქტის ან მომსახურების რეკლამირების გზა – ეს არის საშუალება, შეიქმნას ძლიერი ბრენდის იდენტობა და ჩამოყალიბდეს ლოიალური მომხმარებლების თემი. 

მონაცემთა ანალიტიკის თვალსაზრისით, სოციალური მედია უზრუნველყოფს უნიკალურ შესაძლებლობას, გააანალიზოთ მომხმარებელთა ქცევა და პრეფერენციები. კომპანიებს შეუძლიათ დააკვირდნენ, რომელი კონტენტი იწვევს მეტ ინტერაქციას, როდის არის მათი აუდიტორია ყველაზე აქტიური და რა ტიპის შეტყობინებები იწვევს ყველაზე დიდ გამოხმაურებას.

განსაკუთრებით მნიშვნელოვანია სოციალური მედიის როლი მცირე და საშუალო ბიზნესისთვის. მინიმალური დანახარჯებით, მათ შეუძლიათ მიაღწიონ ფართო აუდიტორიას და კონკურენცია გაუწიონ დიდ კომპანიებს. თანამედროვე მომხმარებელი სულ უფრო მეტად ეძებს ინფორმაციას სოციალურ მედიაში მანამ, სანამ შეიძენს პროდუქტს ან მომსახურებას. 

კრიზისების მართვის კუთხით, სოციალური მედია წარმოადგენს სწრაფი რეაგირების ეფექტურ ინსტრუმენტს. კომპანიებს შეუძლიათ დაუყოვნებლივ უპასუხონ მომხმარებელთა შეკითხვებს, გააქარწყლონ დეზინფორმაცია და მართონ რეპუტაციული რისკები. 

თუმცა, წარმატებული სოციალური მედია სტრატეგია მოითხოვს მუდმივ ყურადღებას და რესურსებს. საჭიროა:   

– რეგულარული და ხარისხიანი კონტენტის შექმნა
– აუდიტორიასთან აქტიური ინტერაქცია
– მონაცემების მუდმივი ანალიზი და სტრატეგიის ადაპტირება
– თანამედროვე ტრენდების თვალყურის დევნება
– პროფესიონალი კადრების ყოლა 

დასკვნის სახით შეიძლება ითქვას, რომ სოციალური მედია აღარ არის მხოლოდ არჩევანი – ის აუცილებლობაა თანამედროვე ბიზნესისთვის.

კომპანიები, რომლებიც ეფექტურად იყენებენ ამ ინსტრუმენტს, იღებენ მნიშვნელოვან უპირატესობას კონკურენტულ ბაზარზე და ქმნიან მყარ საფუძველს გრძელვადიანი წარმატებისთვის. 

The post სოციალური მედია არხების როლი თანამედროვე ბიზნესში appeared first on BPN Georgia.

The post სოციალური მედია არხების როლი თანამედროვე ბიზნესში appeared first on BPN Georgia.

თუ დარვინის ევოლუციის თეორიას გავიხსენებთ, გადარჩენა პირდაპირ კავშირშია გარემო პირობებთან ადაპტაციის უნართან. დღევანდელ ციფრულ ეპოქაში, ხელოვურ ინტელექტთან ურთიერთობა გვეხმარება სწორედ ამ ადაპტაციის პროცესში. ჩვენ ვავითარებთ ახალ კოგნიტურ უნარებს, ვსწავლობთ სწრაფად ცვლად გარემოსთან შეგუებას და ვიმუშავებთ იმუნიტეტს ტექნოლოგიური ცვლილებების მიმართ. ეს პროცესი წარმოადგენს თანამედროვე ადამიანის ევოლუციის განუყოფელ ნაწილს.

ხელოვნური ინტელექტის ერთ-ერთი უმნიშვნელოვანესი წვლილი ჩვენს ცხოვრებაში არის დროისა და ენერგიის დაზოგვა. ყოველდღიური რუტინული დავალებების ავტომატიზაცია გვათავისუფლებს უფრო მნიშვნელოვანი საქმეებისთვის. ინტელექტუალური ასისტენტები გვეხმარებიან დროის ეფექტურ მართვაში, ხოლო AI ალგორითმები ამცირებენ გადაწყვეტილებების მიღებისთვის საჭირო დროს. ეს გამონთავისუფლებული დრო შეგვიძლია გამოვიყენოთ პიროვნული განვითარებისთვის, კრეატიული საქმიანობისთვის ან სოციალური ურთიერთობებისთვის.

თანამედროვე საზოგადოებაში AI-ის გავლენა შეიმჩნევა ყველა სფეროში. განათლებაში ის ქმნის პერსონალიზებული სწავლების შესაძლებლობებს, ჯანდაცვაში აუმჯობესებს დიაგნოსტიკასა და მკურნალობის მეთოდებს, ხოლო ბიზნესში ეხმარება კომპანიებს უკეთ გაიგონ მომხმარებელთა საჭიროებები და ოპტიმიზაცია გაუკეთონ პროცესებს. მეცნიერებაში AI აჩქარებს კვლევებს და გვეხმარება რთული პრობლემების გადაჭრაში.

თუმცა, ამ პროგრესს თან ახლავს მნიშვნელოვანი გამოწვევებიც. ჩვენ ვდგავართ ისეთი საკითხების წინაშე, როგორიცაა პირადი მონაცემების დაცვა, ტექნოლოგიურ ცვლილებებთან დაკავშირებული სოციალური ადაპტაცია და ეთიკური საზღვრების დადგენა. მნიშვნელოვანია, რომ ამ გამოწვევებს ვუპასუხოთ გონივრული რეგულაციებითა და საზოგადოების ყველა წევრის ინტერესების გათვალისწინებით.

ხელოვნური ინტელექტი დღესდღეობით მრავალ პლატფორმაზეა ხელმისაწვდომი. გთავაზობთ რამდენიმე უფასო სერვისს, რომლებიც შეიძლება თქვენს ყოველდღიურ ციფრულ ასისტენტებად იქცნენ. განსაკუთრებით საყურადღებოა, რომ ეს პლატფორმები მხარს უჭერენ ქართულ ენას. რეგისტრაცია მარტივია, ხოლო მსურველებს შეუძლიათ შეიძინონ პრემიუმ ვერსიებიც ხელმისაწვდომ ფასად.

1. ChatGPT.ge – ხელმისაწვდომია, როგორც ვებგვერდის, ასევე მობილური აპლიკაციის სახით Android და iOS მოწყობილობებისთვის.

2. Claude.ai – შეგიძლიათ ისარგებლოთ როგორც ვებბრაუზერით, ისე მობილური აპლიკაციით.

3. Google Gemini – ხელმისაწვდომია ყველა თანამედროვე სმარტფონზე მობილური აპლიკაციის სახით.

შემოგვიერთდით ვებიბარზე – ,,ხელოვნური ინტელექტი (AI) – თქვენი მრჩეველი ბიზნესში“ და გაიგეთ:

როგორ „ესაუბროთ” AI-ს სწორად (Prompt Engineering), რომ ყოველთვის ზუსტი და გამოსადეგი პასუხები მიიღოთ;

მითების დანგრევა: „AI ჩემს სამსახურს წამართმევს” vs „AI ჩემი სამსახურის საუკეთესო დამხმარე გახდება”;

რატომ არის AI კრიტიკულად მნიშვნელოვანი მცირე ბიზნესისთვის;

პრაქტიკული გაცნობა ინსტრუმენტებთან: ChatGPT, Gemini, Perplexity, Claude.

The post ხელოვნური ინტელექტის გავლენა თანამედროვე ცხოვრებაზე appeared first on BPN Georgia.

The post ხელოვნური ინტელექტის გავლენა თანამედროვე ცხოვრებაზე appeared first on BPN Georgia.

ამ დროის მანძილზე ნინო დაუღალავად მუშაობდა და სასემინარო მასალის ასობით გვერდი თარგმნა. 140-ზე მეტ სემინარზე ის იყო თარჯმნის, თანარეფერენტის ან რეფერენტის როლში. ყოველთვის ცდილობდა, მარტივი და გასაგები ენით აუდიტორიასთან ახლოს მიეტანა ბიზნეს თემები. ამასთანავე, ახერხებდა, შეექმნა ადამიანურობითა და სითბოთი სავსე ატმოსფერო.
პიროვნების პროფილი მისთვის განსაკუთრებით საყვარელ თემად იქცა და მას დიდი ენთუზიაზმითა და სიყვარულით აზიარებდა სემინარის მონაწილეებს. ხანდახან იმდენად ღრმად შედიოდა ამ საკითხში, რომ საათზე მინიშნება ხდებოდა საჭირო, დროის განრიგი რომ არ დარღვეულიყო.

აუცილებლად უნდა აღინიშნოს სემინარი „გაყიდვების ფსიქოლოგია“, რომელიც ნინომ BPN Georgia-ში მუშაობის პერიოდში განავითარა. ეს სემინარი მსმენელის დიდი მოწონებითა და აღტაცებით სარგებლობდა და ყოველთვის ავსებდა სასემინარო ოთახს.
მეწარმეებთან ინდივიდუალური შეხვედრებისას ნინო შესანიშნავი მსმენელი და მრჩეველი იყო, როგორც ბიზნეს თემების, ასევე პირადი საკითხების შემთხვევაში, რასაც ჩვენი პროგრამის მონაწილეების მხრიდან უკუკავშირიც ადასტურებს.
ნინოს მხოლოდ სასემინარო დარბაზში არ გამოუვლენია თავისი შესაძლებლობები, მან რეჟისორის როლშიც დაამტკიცა თავისი ნიჭიერება და სემინარისა და კომპანიის არაერთი ვიდეო შექმნა. უნდა აღინიშნოს ასევე, BPN Georgia-ს ბიზნეს ასოციაციის გახსნის ღონისძიება 2022 წლის ივლისში, რომელსაც ნინოს საოცარი ორგანიზების წყალობით დიდი წარმატება ხვდა წილად.
მთელი გულით ვუხდით მადლობას ნინოს BPN Georgia-ში გაწეული შრომისთვის, მის გარეშე დღეს ჩვენ იქ არ ვიქნებოდით, სადაც ახლა ვართ. დიდი სიამოვნება იყო მასთან თანამშრომლობა და ჩვენი გუნდის წევრობა.

The post მადლობა, ნინო! appeared first on BPN Georgia.

The post მადლობა, ნინო! appeared first on BPN Georgia.

განათლება ყველაზე დიდი კაპიტალია. მასში ჩადებული ინვესტიცია კი ყველაზე გონივრული და გამართლებული ნაბიჯი.
განვითარებული ქვეყნების წარმატების ფაქტორს გამართული განათლების სისტემა განაპირობებს. ოჯახები წარმატებებს აღწევენ და ინარჩუნებენ მისი შემადგენელი წევრების განათლებულობის ხარჯზე. ინდივიდების კარიერულ და საზოგადოებრივ წინსვლასაც მისი განათლების ხარისხი უზრუნველყოფს. ასე რომ, რელევანტური და უწყვეტი განათლება წარმატების უალტერნატივო საფუძველია.
ბიზნესის ჭრილში თუ განვიხილავთ, ქვეყნის ეკონომიკა წარმატებული კომპანიების საქმიანობას ეფუძნება. კომპანიების წარმატება კი მისი თანამშრომლების განათლებასა და კვალიფიკაციის მაღალ დონეზე დგას. ამ თვალსაზრისით, საქართველოში კრიზისული მდგომარეობაა, რადგან ქართული კომპანიების ერთ – ერთ მთავარ გამოწვევად ბოლო ათწლეულებია არაკვალიფიციური კადრები სახელდება, რაც ნეგატიურ გავლენას ახდენს კომპანიების განვითარების ტემპებზე და მთელ რიგ პროცესებს აფერხებს.
დაბალანაზღაურებადი ქართული შრომითი ბაზარი მაღალკვალიფიციურ კადრებს მეტწილად ემიგრაციაში, საერთაშორისო ბრენდებში ან ადგილობრივ წამყვან მსხვილ ბიზნეს სექტორში დასაქმებისკენ უბიძგებს,  მცირე საწარმოები კი მეტწილად მოკლებულნი რჩებიან მაღალკვალიფიციური კადრების დაქირავების ფუფუნებას. არა და მათი წილი მოქმედ საწარმოთა შორის 99.7%- ს უტოლდება 65 % დასაქმებულით, ეს კი ნათლად წარმოაჩენს მათ მნიშვნელობას, როგორც ეკონომიკური, ასევე, სოციალური და დასაქმების თვალსაზრისით. მცირე ბიზნესები ასევე მოკლებულნი არიან თანამშრომლების გადამზადებისთვის და კვალიფიკაციის ამაღლებისთვის რესურსების ჩადების შესაძლებლობებს, რაც შემდეგი ფაქტორებით აიხსნება:

–    შემოსავლების სიმწირე
მცირე ბიზნესებს მეტწილად არ აქვთ მაღალი შემოსავლების გენერირების შესაძლებლობა. ამიტომ უწევთ ხარჯების მინიმალიზება, მათ შორის თანამშრომლების კვალიფიკაციის ამაღლებისთვის გაწეული ხარჯებისაც.
–    მრავალპროფილური სამუშაო პოზიცია
მცირე კომპანიებს არ აქვთ ყველა მიმართულებით პროფესიონალი კადრების დაქირავების ფუფუნება და ხშირად რამდენიმე პროფილის შეთავსება უწევს ერთსა და იმავე კადრს. მაგ. მარკეტინგის სპეციალისტი ითავსებს გაყიდვებს, სოციალური მედიების მართვას, კოპირაითინგს, კომუნიკაციებს და სხვა. ყველა ამ მიმართულებით კადრის კვალიფიკაციის ამაღლებას კი დიდი რესურსი სჭირდება.
–    დროის დეფიციტი
კადრების გადამზადებას ფინანსებთან ერთად სჭირდება დროის ინვესტიციაც, რაც მცირე კომპანიებს კადრების დეფიციტის გამო არ აქვთ და უკიდურესად დაკავებული მუშახელის მოწყვეტა სამუშაო პროცესებიდან თუნდაც მათი კვალიფიკაციის ამაღლების მიზეზით მათ სამსახურეობრივ საქმიანობას აფერხებს.
–    დაბალი სამუშაო მოტივაცია
დამსაქმებლები ხშირად უჩივიან დასაქმებული კადრების დაბალ სამუშაო  მოტივაციას ან კადრების მუდმივ გადინებას და არ სურთ ჩადონ დამატებითი ფინანსები კადრის გადამზადებაში, რომლის მიზანსწრაფულობის და ლოიალურობის მატების მოლოდინიც არ აქვთ.
–    დაბალი ცნობიერება
ბევრი დამსაქმებელი თვლის, რომ კვალიფიკაციის ამაღლება დასაქმებულის პირადი პასუხისმგებლობა და ინტერესია და შესაბამისად ფინანსებიც თავისივე ხელფასიდან უნდა გაიღოს და არა კომპანიამ საკუთარი ბიუჯეტიდან. გარდა ამისა, ბევრი დამსაქმებელი ვერ აცნობიერებს გადამზადებული კადრებისგან მიღებულ ბენეფიტებს.
შედეგი შესაბამისად ერთია: დაბალი კვალიფიკაციის კადრი ნიშნავს სამუშაოს დაბალ ეფექტურობას. დასაქმებულთა კვალიფიკაციის ამაღლებისთვის თანხების დაზოგვა კი ნიშნავს საკუთარი კომპანიის განვითარებისთვის თანხის დაზოგვას.

საპირისპირო შედეგს მივიღებთ, თუ თანამშრომლების განათლებისთვის დროის, ადამიანური და ფინანსური რესურსების მობილიზებას ერთ – ერთ მთავარ პრიორიტეტად ვაქცევთ. ეს ბევრი მიმართულებით პოზიტიურად აისახება კომპანიის კეთილდღეობაზე:
–    სწრაფი ვადები
გადამზადებული, ამაღლებული კვალიფიკაციის კადრი უფრო  სწრაფად და ეფექტიანად ართმევს თავს დაკისრებულ სამსახურეობრივ ვალდებულებებს და რჩება დრო ახალი იდეებისა თუ ამოცანებისთვის.
–    მაღალი პროდუქტიულობა
გადამზადებული კადრი ზრდის პირად და შესაბამისად კომპანიის პროდუქტიულობას.
–    მაღალი სამუშაო მოტივაცია
გადამზადებული კადრი  უფრო მაღალი მოტივაციით მუშაობს, რადგან საქმე უწინდებურად აღარ ერთულება. ტრენინგებით იძენს მეტ გამოცდილებას. ემატება თავდაჯერებულობა საქმიანობის პროცესში. ნაკლებად საჭიროებს დამხმარე ძალას და გაზრდილი კვალიფიკაციის ხარჯზე მეტი ფინანსური სარგებლის მიღების ალბათობაც ეზრდება (დაწინაურების შანსი, გაზრდილი ხელფასი, პრემიები უკეთესი შედეგებისთვის, წახალისებები და სხვა).
–    თიმბილდინგი
გუნდის ერთობლივი მუშაობა კვალიფიკაციის ამაღლებაზე, ერთობლივად მონაწილეობის მიღება საგანმანათლებლო სემინარებსა და სხვა ღონისძიებებში კრავს გუნდს, აერთიანებს მათ კომპანიის მიზნების ირგვლივ და ყველასთვის ერთ დონეზე გასაგებს და ხელმისაწვდომს  ხდის სასარგებლო ცოდნას.
–    ლოიალურობა
დასაქმებული მასში ჩადებულ დროის და ფინანსურ რესურსს მადლიერებით ეკიდება. ის გრძნობს დამსაქმებლის მხრიდან ზრუნვას, მისი თვითგანვითარების ხელშეწყობას, ეზრდება პასუხისმგებლობა და ვალდებულების განცდა კომპანიის წინაშე და სურვილი, დააფასოს დამსაქმებლის ძალისხმევა უკეთესი შრომით და ლოიალურობით.
–    პოზიტიური იმიჯი
სოციალური პასუხისმგებლობის აღება და თანამშრომლებზე ზრუნვა ყველა კომპანიის ამოცანას უნდა წარმოადგენდეს. ზრუნვაში კი მხოლოდ დასაქმებულთათვის სოციალური პაკეტების (დაზღვევა, Fitpass, კორპორატიული ღონისძიებები და სხვა) შეთავაზება როდი იგულისხმება, არამედ მათი ცნობიერების, ცოდნის დონის ამაღლებაც, რომელსაც ისინი პირადი სარგებლისთვისაც გამოიყენებენ, თუნდაც სხვა დამსაქმებლებთან. ამგვარი ქმედებები კომპანიას უქმნის როგორც საჯაროდ, ისე გუნდის შიგნით პოზიტიურ იმიჯს.

BPN Georgia უკვე 9 წელია საქართველოში მეწარმეობის მხარდაჭერის პროგრამის ფარგლებში მრავალ მცირე ბიზნესს ხვდება და სიამოვნებით აკვირდება, როგორ ცდილობენ ისინი დაბალი შემოსავლების და გადატვირთული სამუშაო გრაფიკის მიუხედავად გუნდის გადამზადებისთვის, კვალიფიკაციის, ცოდნის და ცნობიერების დონის ამაღლებისთვის თანხების და დროის მობილიზებას. დახმარებისთვის კი ხშირად BPN Georgia – საც მიმართავენ, რომელსაც დიდი გამოცდილება აქვს ბიზნესის მართვის პრინციპების გადაცემაში და კორპორატიული კულტურის ჩამოყალიბებაში.

ჩვენმა ორგანიზაციამ გასული წლის განმავლობაში რამდენიმე კორპორატიულ სემინარს მოუყარა თავი. პირველი, ვინც საკუთარი გუნდის წინსვლაზე ზრუნვა გვანდო, კომპანია ლუკა პოლარეა, რომელიც მზარდი თანამშრომლების რაოდენობით წარმატებულად საქმიანობს როგორც საქართველოში, ისე უკვე აზერბაიჯანში.

შემდეგი გახლდათ მიკროსაფინანსო ორგანიზაცია კრედიტსერვისი + და კომპანია ელიტ ტექნოლოჯი, რომელთაც ერთად მოუყარეს თავი საკუთარ გუნდებს და დროის ეფექტურად მართვის პრინციპები გაუზიარეს BPN Georgia – ს «დროის მენეჯმენტის და თვითმენეჯმენტის სემინარით». 

საქართველოს ბანკმაც BPN Georgia – ს კორპორატიული სემინარების სახით საკუთარ ბიზნეს მომხმარებლებს განსხვავებული ხედვები გაუხსნა ბიზნესის მართვის მთავარ პრინციპებზე და თანამშრომლების მოტივირების საკითხებზე.  

საქართველოს ბანკს მოჰყვა მუსიკალური ინსტრუმენტების კომპანია «მუსიკის სახლი», რომელმაც რეორგანიზაციის პროცესში დაინახა გუნდის გადამზადების და კიდევ უფრო შეკვრის შესაძლებლობა BPN Georgia – ს ტრენინგებით, საინტერესო გუნდური და ინდივიდუალური მაგალითებით და ერთობლივი სასემინარო აქტივობებით.

გარდა ამისა, მრავალი კომპანია (ჰაიდელბერგ ცემენტი, გამომცემლობა დიოგენე,  ავერსი, PSP, Wörwag Pharma, Nutrimax, Chirifruit, Döhler, გერმანიის ეკონომიკური გაერთიანება და მრავალი სხვა) თანამშრომლობს BPN Georgia – თან და მუდმივად აგზავნის ბიზნესის განვითარებაზე და პროფესიული უნარების დახვეწაზე მორგებულ სხვადასხვა სემინარზე საკუთარი გუნდის წევრებს. ეს კომპანიები თანამშრომლებზე, მათი კვალიფიკაციის ამაღლებაზე ზრუნვის საუკეთესო მაგალითს წარმოადგენენ. მათ კარგად აქვთ გაცნობიერებული გუნდის განვითარებაში და თიმბილდინგში რესურსების ჩადების  პოზიტიური ეფექტი გრძელვადიან ჭრილში. ასე რომ, იყავი შემდეგი, ვინც აჩუქებს საკუთარ გუნდს ყველაზე ძვირფასს: ცოდნას!

«მომხმარებლები არ არიან პირველ ადგილზე, არამედ თანამშრომლები. იზრუნეთ თქვენს თანამშრომლებზე და ისინი იზრუნებენ მომხმარებლებზე …
ასწავლეთ მათ საკმარისად კარგად, რომ შეეძლოთ თქვენგან წასვლა, და მოეპყარით საკმარისად კარგად, რომ მათ ეს არ მოუნდეთ» – რიჩარდ ბრანსონი 

The post გაუნათლებლობა უფრო ძვირი ღირს, ვიდრე განათლება appeared first on BPN Georgia.

The post გაუნათლებლობა უფრო ძვირი ღირს, ვიდრე განათლება appeared first on BPN Georgia.

21 საუკუნე განსაკუთებით გვანებივრებს შეთავაზებების სიუხვით და ფართო არჩევნით. არ არსებობს უკონკურენტო პროდუქტი. მომხმარებელს აბნევს მრავალფეროვნება და გადაწყვეტილების მისაღებად მიზეზებს ეძებს, რომლებიც უბიძგებს მას, ყურადღება ერთ კონკრეტულ პროდუქტზე შეაჩეროს.
მწარმოებლებიც ხვდებიან, რომ პროდუქტის მხოლოდ ფუნქციონალური და ხარისხობრივი ნიშნით დახვეწა საკმარის წინაპირობას აღარ ქმნის მისი უპირობო რეალიზაციისთვის და მოსაფიქრებელია რაღაც სხვა ხერხი, რომლითაც პროდუქტი მომხმარებლის ყურადღების ცენტრში მოხვდება და კონკურენციას გაუძლებს.
როგორც ადამიანები გამოირჩევიან ერთმანეთისგან ვიზუალით, პიროვნული თვისებებით, ცხოვრების სტილით, მსოფლმხედველობით ან ჩაცმულობით და თავს ამახსოვრებენ სხვა ადამიანებს  კონკრეტული მახასიათებლების ერთობლიობით, რაიმე თვისებით თუ ინდივიდუალური იმიჯით, ასევე ბრენდებიც თითქოს ცოცხლდებიან და ადამიანების მსგავსად კონკრეტული განმასხვავებელი ნიშნით იმკვიდრებენ სახელს.
კომპანიისთვის განმასხვავებელი ნიშანი შეიძლება იყოს:

• ხარისხი

დანების მწარმოებელი შვეიცარიული კომპანია ვიქტორინოქსი არ ივიწყებს საკუთარ დაპირებას, იყოს ცხოვრების მუდმივი თანამგზავრი «Companion for life» და აგერ უკვე 140 წელია ისეთი შეუცვლელი ხარისხის პროდუქტებს სთავაზობს მომხმარებელს, რომლებიც ათწლეულებს უძლებს.

• ფუნქციონალურობა

ავტომობილის მთავარი ფუნქცია უსაფრთხო გადაადგილების უზრუნველყოფაა. ვოლვო ცდილობს დაგვარწმუნოს ამაში და ამ ნიშნით პოზიციონირებს ავტოინდუსტრიის ბაზარზე.

• ფასი

ფასების კონკურენცია ერთ – ერთი ყველაზე გავრცელებული კონკურენციის ფორმაა. განსაკუთრებით ყოველდღიური მოხმარების პროდუქტების შემთხვევაში და საშუალო ან დაბალ შემოსავლიან სეგმენტში. ქართული სურსათის ქსელი ლიბრე სწორედ ამ საფასო სეგმენტს აწვდენს ხმას სლოგანით «ყველაზე იაფი»

• კომფორტი

ლიბრესგან ან სხვა სუპერმარკეტების ქსელისგან განსხვავებით ორი ნაბიჯი კომფორტულობაზე აკეთებს აქცენტს და მომხმარებელს მისი სახლიდან ან სამსახურიდან არც ისე შორს, სულ რაღაც ორ ნაბიჯში სთავაზობს საკუთარ პროდუქტებს და ეს გახლავთ მისი კონკურენტული უპირატესობაც, შეუქმნას მომხმარებელს მაქსიმალური კომფორტი მასთან სიახლოვით და მაღაზიამდე მისასვლელი დროის და ენერგიის დაზოგვით.

• ისტორია

სამკაულების უამრავ მწარმოებელს შორის საქართველოში ტრადიციების ნაყოფიერად გამოყენება და ისტორიული საგანძურის გაცოცხლება თანამედროვეობაში საუკეთესოდ გამოუვიდა ზარაფხანას. საოქრომჭედლო ტრადიციებზე დაყრდნობით საიუველირო მემკვიდრეობის შენარჩუნება – განვითარება  და ამით ისტორიის წარმატებით გაგრძელება გახდა ზარაფხანას მთავარი ხელწერა.

• ტექნოლოგია

ფოკანის ხსენებაზე ყველას ტიხრული მინანქრის სამკაული გვახსენდება. საერო და სასულიერი დატვირთვის ტიხრული მინანქრით შესრულებული ნივთები კომპანიის სავიზიტო ბარათია.

ისტორიული, უნიკალური ცვარნამის ტექნოლოგია იქცა განმასხვავებელ ნიშნად კიდევ ერთი საიუველირო ნაწარმის კომპანიისთვის, რომლის სახელიც «ცვარა» სწორედ რომ ამ ტექნოლოგიიდან გამომდინარებს.

• კრეატივი

როცა ისეთ გაჯერებულ კონკურენტულ ბიზნესში შედიხარ, როგორიც აქსესუარების წარმოებაა, ძნელია, რაღაც სიახლის მოფიქრება, თუმცა ეს არ გასჭირვებია კომპანია საინის დამფუძნებელს, რომელმაც ქართული ანბანის ასოების წრიულად მოძრავი განლაგებით შექმნილი სრულიად განსხვავებული ორნამენტები აქცია საკუთარი აქსესუარების მთავარ მოტივად და ღირსეულ კონკურენციას უწევს ამ სფეროს კონკურენტებს.

მძლავრ კონკურენციაში კრეატივი ერთ-ერთი ყველაზე გონივრული და რთულად მიბაძვადი გამოსავალია, რომელიც აღვიძებს მომხმარებელში ემოციებს და ადვილად იქცევს ყურადღებას, განსაკუთრებით კი ინდივიდუალიზმის მოყვარული მომხმარებლების სეგმენტში.

• დამატებითი სარგებელი

თბილისში უამრავი ორანჟერია და ყვავილების სათბურია, თუმცა ნერგების გამოყვანის გვერდით მეგობრების წრეში სასიამოვნო დასვენებისთვის, ცხოვრების მნიშვნელოვანი თარიღების აღნიშვნისთვის და უბრალოდ მცენარეების და ყვავილებისგან ესთეტიკური სიამოვნების მიღებისთვის მწვანე სივრცის შეთავაზება მხოლოდ გარდენიას დამფუძნებელს, ზურაბ შევარდნაძეს მოუვიდა აზრად და ეს კონცეფცია იქცა იმ დამატებით სარგებელად, რასაც მომხმარებელი მისი კომპანიისგან იღებს და გარდენიას განუმეორებელს ხდის.

• ჩარჩოებიდან გასვლა

როცა გამაგრილებელი სასმელების კომპანია ხარ და უამრავი კონკურენტებით ხარ გარშემორტყმული, ძნელია გააოცო მომხმარებელი გემოვნური თვისებებით, ასორტიმენტის მრავალფეროვნებით, ხარისხით, ფასით, კომპანიის ხანგრძლივი და საინტერესო ისტორიით და სხვა. გიწევს ჩარჩოებიდან გასვლა და რაღაც ისეთის მოფიქრება, რაც ერთი შეხედვით არაფერ კავშირშია შენს კომპანიასთან, მის ხედვასთან, მის პროდუქტთან და სამომხმარებლო სეგმენტთან, მაგრამ მაინც შენი კომპანიის მაიდენტიფიცირებელ ნიშნად იქცევა. ასე გახდა სანტა კლაუსი და კოკა კოლა ერთი მთლიანობა. სანტა კლაუსი, როგორც ყველა ბავშვის საყვარელი პერსონაჟი, თითქოს ყველაზე ნაკლებ უნდა ასოცირდებოდეს არასაბავშვო, არაჯანსაღ გამაგრილებელ სასმელთან, ან ზოგადად სასმელთან, თუმცა სანტას ხსოვნა ყველა მოზრდილ ადამიანშიც იწვევს დადებით ემოციებს და ბავშვობის ტკბილ მოგონებებს. სანტას მარკეტინგული კამპანიის მთავარი მიზანიც ესაა: კოკა კოლა უნდა ასოცირდებოდეს დადებით მუხტთან, ემოციებთან, სურვილების ასრულებასთან, უდარდელ ბავშვობასთან, რაც ცნობიერ თუ ქვეცნობიერ დონეზე ყველა ადამიანს კეთილგანწყობილს ხდის ამ თუნდაც არაჯანსაღი სასმელის მიმართ.

• მსოფლმხედველობა

ხშირად კომპანიები არა იმდენად საკუთარი პროდუქტით ან მომსახურებით იქცევენ ყურადღებას, რამდენადაც  რაიმე კონკრეტული მსოფლმხედველობის პოპულარიზაციით. Apple მოგვიწოდებს ვიყოთ განსხვავებული, ინდივიდუალური – Think different, Nike გვარწმუნებს გამოვხატოთ საკუთარი თავი და ვიმოქმედოთ – Just do it, საქართველოს ბანკი სარეკლამო კამპანიაში არ უსვამს ხაზს დაბალ საპროცენტო განაკვეთს, ან მოქნილი ანაბრების სისტემას, არამედ მოტივაციას გვაძლევს და სლოგანით «არ გაჩერდე» გვიბიძგებს წინსვლისა და განვითარებისკენ. ჩანთების მწარმოებელი შვეიცარიული კომპანია Freitag კი პროდუქტებს მეორადი გადამუშავების მასალისგან კერავს და ამით გარემოს დაცვის და რესურსების დაზოგვის საუკეთესო მაგალითს გვაძლევს. ინდივიდუალიზმი, თვითრეალიზაცია, მუდმივი მოქმედება, ეკოლოგიური მიდგომები და სხვა, ის წამყვანი ტრენდებია, რომლის დამკვიდრებასაც ზემოდ ხსენებული კომპანიები უწყობენ ხელს.

კონკურენტული უპირატესობის მოპოვების კიდევ სხვა უამრავი მიმართულება არსებობს, მაგრამ მთავარია გახსოვდეთ პრინციპი: განმასხვავებელი ნიშნის პოვნა კომპანიის წარმატების ერთ – ერთი გადამწყვეტი ფაქტორია. ამიტომ დაფიქრდით, რა გამოგარჩევთ სხვებისგან. ამისთვის კი:

• გააანალიზეთ თქვენი კომპანიის და შეთავაზებების ძლიერი და სუსტი მხარეები და ჩამოყალიბდით, რომელი ძლიერი მხარის წამოწევა შეგიძლიათ წინა პლანზე.
• გააანალიზეთ კონკურენტები, შეადარეთ საკუთარი უპირატესობები მათ უპირატესობებს და დაინახავთ, რაში უსწრებთ მათ, რაც თქვენს კონკურენტულ უპირატესობად შეიძლება იქცეს.
• დააკვირდით ტენდენციებს. შესაძლოა თქვენი საქმიანობაც რომელიმე ტენდენციას ეხმიანება და უფრო ადვილად მოახერხებთ მასების გულის მოგებას.
• ჰკითხეთ თავად მომხმარებელს, რატომ გამოგარჩიათ თქვენ.
• გამოდით ჩარჩოებიდან და ნუ შეგაშინებთ კრეატიულობა. იყავით განსხვავებული და ორიგინალური. გახსოვდეთ:

*«პუბლიკა ტაშს უკრავს ფოიერვერკს, და არა მზის ამოსვლას». 

უფრო მეტს ამ თემაზე შეიტყობთ ჩვენი სემინარიდან «როგორ ვიპოვოთ საკუთარი კონკურენტული უპირატესობა ბიზნესში და გავხდეთ გამორჩეული».

შემოგვიერთდით! ერთად ვიპოვოთ თქვენი ბიზნესის განმასხვავებელი ნიშანი.

* _{ქრისტიან ფრიდრიხ ჰებელი – გერმანელი მწერალი}  

The post იყავი გამორჩეული appeared first on BPN Georgia.

The post იყავი გამორჩეული appeared first on BPN Georgia.

რეფერენტი:

კლაუდია გაბლერი – შვეიცარიული კომპანია  BMQ Partners AG – ის კომუნიკაციების გენერალური ოფიცერი. მისი ამოცანაა კომპანიების კონსულტაცია კომუნიკაციების, ტელემარკეტინგის, ონლაინ და ლაივ ჩართვების ოპტიმიზაციის მიმართულებით. კარიერა დაიწყო საერთაშორისო ორგანიზაციაში, სადაც ქოლ ცენტრების მიმართულებით პოზიტიური კომუნიკაციების წარმართვას დაეუფლა და ბოლო 20 წელია კომუნიკაციების დარგში ცოდნას იღრმავებს.
კლაუდია გაბლერი არის ასევე ციურიხის უმაღლეს სასწავლებლის ლექტორი საზოგადოებასთან ურთიერთობის, კრიზის მენეჯმენტის და კონტენტ მარკეტინგის განხრით.

საშეღავათო პირობები:

• BPN Georgia – ს პროგრამის მონაწილეებისთვის მოქმედებს 40% – იანი ფასდაკლება
• BPN Georgia – ს პროგრამის მონაწილე კომპანიების თანამშრომლებზე 20% – იანი ფასდაკლება
• ერთი კომპანიიდან სამი და მეტი პირის დასწრების შემთხვევაში 20 % – იანი ფასდაკლება

The post პოზიტიური კომუნიკაცია appeared first on BPN Georgia.

The post პოზიტიური კომუნიკაცია appeared first on BPN Georgia.

საშეღავათო პირობები:

• BPN Georgia – ს პროგრამის მონაწილეებისთვის მოქმედებს 40% – იანი ფასდაკლება
• BPN Georgia – ს პროგრამის მონაწილე კომპანიების თანამშრომლებზე 20% – იანი ფასდაკლება
• ერთი კომპანიიდან სამი და მეტი პირის დასწრების შემთხვევაში 20 % – იანი ფასდაკლება

The post კონფლიქტის მენეჯმენტი appeared first on BPN Georgia.

The post კონფლიქტის მენეჯმენტი appeared first on BPN Georgia.

• ემპათია

«მუნჯის ენა დედამ იცის». ქალი ფლობს უნარს, მიხვდეს რა სურს მის მცირეწლოვან შვილს, რომელსაც ჯერ ენა არ ამოუდგამს, იგრძნოს მისი საჭიროებები, სურვილები, ტკივილები, პრობლემები, მოლოდინები. ამ უნარს ის ეფექტურად იყენებს თანამშრომლებთან, მომხმარებლებთან თუ ბიზნეს პარტნიორებთან ურთიერთობაშიც. ამიტომაც არის, რომ HR, გაყიდვების და სოციალური მომსახურების სპეციალისტებს შორის ქალები დომინირებენ. მათ შეუძლიათ სხვების პერსპექტივიდან ფაქტების დანახვა, სხვისი ფიქრების ამოკითხვა და მათი ქმედების მოტივების ამოცნობა.

• მოქნილობა

«მრავალი ხელის პრინციპი». ქალი, რომელიც სახლში რამდენიმე საქმეს ერთდროულად უძღვება და კონცენტრაციას მრავალი მიმართულებით ანაწილებს, ბიზნეს სივრცეშიც მარტივად ახდენს ლავირებას რამდენიმე საქმეს შორის.

• დისციპლინა

ოჯახის საშინაო და საგარეო საქმეებთან გამკლავება, შვილების მოვლა, მათ ჯანმრთელობაზე, მენტალურ და ფიზიკურ განვითარებაზე ზრუნვა დედის დისციპლინირებულ, ორგანიზებულ და თანმიმდევრულ ქმედებას მოითხოვს და ამ უნარებს ავითარებს ქალში. განსხვავებით კაცისგან, რომელიც უფრო იმპულსური და სპონტანური ქმედებებით ხასიათდება. ქალის ეს თვისებები კი ავტომატურად თავს იჩენს ბიზნესშიც.

• ინტუიცია

ყველასთვის ცნობილია, რომ ქალში ინტუიცია უფრო განვითარებულია, ვიდრე მამაკაცში, რაც ქალებს მოვლენების წინასწარ განჭვრეტის შესაძლებლობას აძლევს. ეს უნარი ბიზნეს საქმიანობაში მნიშვნელოვანი ბონუსია

• ამტანობა

ქალი, რომელმაც უნდა გაუძლოს მშობიარობის ტკივილს, ძუძუთი კვების და სხვა ქალურ დისკომფორტებს, ევოლუციურად უფრო ამტან არსებად ყალიბდება. ეს უნარი კი ეხმარება მას ბიზნესში დატვირთვასა და სტრესთან გამკლავებაში.

• ჰარმონიულობა

ხშირად ქალის ერთ – ერთ  ძირითად ფუნქციათაგან ოჯახში ჰარმონიის შექმნა სახელდება. ქალიც ეჩვევა მისადმი წაყენებულ ამ მოლოდინებს და მისი ეს ჰარმონიულობისადმი სწრაფვა ყველა საქმიანობაში გადააქვს. მათ შორის ბიზნეს ურთიერთობებშიც.

• ნაკლები იერარქიულობა

რაკი ქალს კაცობრიობის გასული ისტორიის განმავლობაში ხშირად უწევდა იერარქიულად დაბალ პოზიციაზე დგომა, ესმის, რა განცდებთან და უარყოფით ეფექტებთანაა ეს დაკავშირებული. ამიტომ ის ნაკლებ მიისწრაფვის იერარქიისკენ კაცისგან განსხვავებით და უფრო ღიაა განსხვავებული აზრისა და კონსტრუქციული კრიტიკისადმი თუნდაც მასზე დაბალი რანგის თანამშრომლების მხრიდან. ეს კი უფრო მეტ კეთილგანწყობას აჩენს მისი მმართველობის მიმართ.

• გუნდურობა

ქალი, რომელიც ოჯახის წევრებს შორის როლებს ეფექტურად ანაწილებს და უმეტესად «ოჯახის გუნდში» უწევს მოქმედება, მიჩვეულია გუნდური მუშაობის პრინციპებს და ამ მიმართულების სირთულეებს კაცისგან განსხვავებით დრამატულად არ აღიქვამს.

ეს მხოლოდ მცირე ჩამონათვალია იმ თვისებებისა, რომელიც ქალს ლიდერად და ბიზნესის სანდო მმართველად აყალიბებს. სწორედ ასეთ ძლიერ ქალ ბიზნესმენებს (და არა მხოლოდ) უყრის თავს BPN Georgia – ს ბიზნესის ხელშეწყობის პროგრამა, სადაც მრავალი კვალიფიციური რჩევის მიღება თუ ბიზნეს იდეების გაზიარება/განხილვაა შესაძლებელი.

პროგრამაში ჩართულ ქალთა ინტერესის სფეროები მრავალფეროვანია და მოიცავს ჩირის წარმოებას (კომპანია „ჩირიფრუტი“), კოსმეტიკურ ნაწარმს (კომპანიები „ჰერამი“ და „ელასტია“), ბუღალტრულ მომსახურებას (კომპანია FAS Group), შოკოლადის წარმოებას (კომპანიები „ლალისია“ და „ჩოკომია“), გამომცემლობას (კომპანია „წიგნიერი“), ღვინის წარმოებას (კომპანია „მადამვაინი“), ტურისტულ მომსახურებას (კომპანია „Violet Ways“), თაფლის წარმოებას (კომპანია „ჰანინო“), ენების შემსწავლელ სკოლას (კომპანია „Innovative Language Academy“), სტომატოლოგიურ კლინიკას (კომპანია „ჰებე“), სამკერვალო საქმიანობას (კომპანიები „ბატისტა“ და „სომა ქიდს“), სამოტივაციო ინტერნეტ ჟურნალს (კომპანია „ჟოლო“), ლანდშაფტის დიზაინს (კომპანია „Green Art Georgia“), სოციალურ მეწარმეობას (კომპანია „პირველი სოციალური საწარმო“), სასტუმროს ბიზნესებს (სასტუმროები „Rima’s Home“, „Sunset Terrace“, „Dali’s Guest House“, „Hermes“, „Kiparisi“, „Ushba“ ) და უამრავ სხვას.
ყველა ამ ბიზნესის დამფუძნებელ ქალბატონს აერთიანებს ერთი იდეა: დაამსხვრიოს ქალის, როგორც სუსტი სქესის ირგვლივ არსებული ყველა მცდარი სტერეოტიპი, შექმნას ქვეყნისთვის დამატებითი ღირებულება, ხელი შეუწყოს უმუშევრობის დაძლევას და უბრალოდ უჩვენოს ყველას, რომ ქალისთვის შეუძლებელი არაფერია.
სამაგალითო ქალბატონებო, გილოცავთ თქვენს დღეს – 8 მარტს!

* _{ინფორმაცია აღებულია საქართველოს სტატისტიკის ეროვნული სამსახურის 2022 წლის მონაცემებიდან}

The post ქალი – სუსტი სქესი? appeared first on BPN Georgia.

The post ქალი – სუსტი სქესი? appeared first on BPN Georgia.